ماخلوني أفرح ببنتي

كيفكم بنااااااااات. حابه افضفض لكم انا بشهر السادس. وهذا حملي الثاني عندي بنوته. انا إنسانه ماعمري وحياتي فكرت هذي عندها ولد وهذي عندها بنت ولو كان الواحد عنده عشره بنات. حملت وسبحان الله بدأت الناس واللي حولي ان شاء الله ولد ولد ولد ولد ماعمر احد دعالي بالخير وبدأ الزن من اهل زوجي والدق في الكلام. وعشت حملي هذا من أسواء مايكون لا اهتميت بنفسي ولا شي وكل همي السونار ايش يقول انا مشكلتي إنسانه حساااااااسه ومررررره أثروا على نفسياتي. صرت ادعي واستغفر اقرأ البقره يوميا. وادعي الله يجعله ولد تام الخلقة والخلقه. وسويت سونار الشهر الرابع قالت بنت والخامس بنت والسادس بنت. بس لا إحساسي الا ولد ودايم أقراء عن اخطاء السونار مع اني أكيد حمدت الله على البنوته. تخيلوا اخت زوجي عندها ولد واحد وعندها بنات لاحظت من وقت ماعرفوا اني حامل ببنت ماتخلي ولدها يجي مع البنات ابدا عند بنتي وأشياء كثيره اكدلي انها تخاف عليه لأنهم موسوسين في العين مررررره واذا سلمت عليه او شي تسحبه بس البنات عادي. طبعا زوجي اللي خبرهم بجنس الجنين. انا يابنات صرت أقول طيب حملي الثالث أعيش نفس اللي عشته الحين وابغى استشيركم هل استمر بقراءه والدعاء. لاني اقول يمكن الله سبحانه وتعالى يبغى يمتحني هل استمر ام لا ويمكن في الشهور الاخيره يكونوا غلطانيين. سبحان الله في شي داخلي يقول لا ولد. يارب اني لا اعترض على عطاياك فلك الحمد والشكر احاول اكون قويه وأفرح ببنتي بس الكل محطمني حتى امي تقول ليته ولد. وزوجي اكيد الحمل الثالث بيدقق ف الموضوع. كان نفسي اجيب بنت ولد وخلاص أقفل لفتره لان الحمل والولاده والتربيه صعبه.