noha555 @noha555

محررة

مادرى وش تقصد من هالتصرفات جد قاهرتني؟؟؟؟؟

اهلين بنات كيفكم ان شاء الله الكل بخير
بصراحه هالموضوع مو اول ولا ثاني ولا ثالث مره يصير كنت عارفه بس اطنش
لكن بصراحه الموضوع زاد عن حده واحس انه وراه شي مادرى
انا وحده من اقاربي والمصيبه انها متزوجه ما تقولين بنت ولا منفصله لا متزوجه واحد متزوج وهي الثالثه
من يوم ما اعرست وهي حاطه دوبها دوبي اول ما تزوجت طبعا كنت على وجهى
كل شي تسألني عنه كنت اجاوبها بكل صراحه
وكانت تسأل عن تفاصيل امى ما كانت تسألنى عنها ما اقصد التفاصيل اللى بين الزوجين لا اقصد تفاصيل المعيشه

يعنى بكم شريتى هاذا وين سافرتو لاي مدينه وش الاوتيل اللى نزلتو فيه وبكم شنطتك وبكم ساعتك وبكم وين بيتكم بكم استأجرتوه
انا من هبالتي كنت اجاوبها بكل صراحه
والاحظ انى كل ما جاوبتها تزيد اسئله وتدقق عليها اكثر والله ما كانت كذا بس من تزوجت انهبلت الحرمه
المهم انو جاني كلام من اكثر من وحده انها تسال عن زوجى بشكل كبير ودايم مادرى وش تبي منه او وش تبي فيه
والله يا بنات بنجن منها طبعا انا ما صرت انتبه من اسئلتها الا بعدين
لكنها دايم تسأل عنه وين راح وين جاء وتخيلو انها ناشره اشاعه انه مو مرتاح معاي
وانى انا مأذيته
وانا قمت الاحظها في الفتره الاخيره اذا صارت فيه عزيمه عند احد ولا شي تخزني من فوق لتحت تخيلو
انها احيانا وانا فيه تقييم اللى لابسته انا بكم يعنى التيور او الفستان اللى علي بكم وشنطتي من اي ماركه وساعتى كمان يعنى تناظر تفاصيل دقيقه مره علي وانا بصراحه عورنى قلبي مره منها
يعنى وش تبي مني بالضبط رغم ان حالتها الماديه مره كويسه زوجها رجال كبير وتاجر بس مادرى وش تبي وهي يمكن بعمري25 او26 جد يا بنات وش تبي مني هاذى وش تقصد بهالتصرفات
وكيف اتصرف معاها لانها قريبه ماقدر اقاطعها مره الله يسعدكم فيدونى؟؟؟؟؟؟؟؟؟

يلزم عليك تسجيل الدخول أولًا لكتابة تعليق.

تسجيل دخول

مـــوهـــومـــه* • 17 سنة

ياعزيزتي خلاص اللي فا مات وابدئي بطرقة جديده لاتجاوبيها على اي سؤال قولي نسيت او مدري او ليه عاجبك او جايني هديه او بضحكه كذا بارده شوي قولي لها يا حليلك يا فلانه وما تتركين عوايدك خلاص عاد وههههههه
طنشيها ولاعاد تعطينها اي جواب وافتحي مواضيع عن الناس اللي زي كذا على قول الرسول صلى الله عليه وسلم ( مابالي ارى اقوام يفعلون كذا وكذا )
وان كنتي خايفه من حسد او عين او غيره دائما ارقي نفسك وقبل تدخلين مجلس هي فيه قولي بسم الله على نفسي ومالي وديني واهلي وكل شي اعطانيه ربي ان ربي على كل شي قدير وقولي بوجهها بس بينك وبين نفسك اللهم اني اعوذ بك من شرورهم واجعلك في نحورهم
والله يريح بالك
دمتم بود

لحظات ولكن • 17 سنة

مـــوهـــومـــه* :

ياعزيزتي خلاص اللي فا مات وابدئي بطرقة جديده لاتجاوبيها على اي سؤال قولي نسيت او مدري او ليه عاجبك او جايني هديه او بضحكه كذا بارده شوي قولي لها يا حليلك يا فلانه وما تتركين عوايدك خلاص عاد وههههههه طنشيها ولاعاد تعطينها اي جواب وافتحي مواضيع عن الناس اللي زي كذا على قول الرسول صلى الله عليه وسلم ( مابالي ارى اقوام يفعلون كذا وكذا ) وان كنتي خايفه من حسد او عين او غيره دائما ارقي نفسك وقبل تدخلين مجلس هي فيه قولي بسم الله على نفسي ومالي وديني واهلي وكل شي اعطانيه ربي ان ربي على كل شي قدير وقولي بوجهها بس بينك وبين نفسك اللهم اني اعوذ بك من شرورهم واجعلك في نحورهم والله يريح بالك دمتم بود

ياعزيزتي خلاص اللي فا مات وابدئي بطرقة جديده لاتجاوبيها على اي سؤال قولي نسيت او مدري او ليه...

انفينيتي • 17 سنة

لحظات ولكن :

لا تردين على أسئلتها الفضولية وخصوصا عن زوجج
أولا مب من حقها تعرف أي معلومه مهما كانت عاديه
أو تافهه

ثانيا ما تعرفين شو اللي في نفسها
ثالثا هي قامت تنشر إشاعات عن عدم راحة زوجج وياج
رابعا اذا مب هي غيرها بيقولون مسكين الريال مب مرتاح
خله يتزوج وحده ثانيه,,,للأسف هذا حال بعض الحريم يخربن
حياة غيرهن

خامسا بعض الحريم اللي مب مرتاحات ويا ازواجهن، يغارن
من غيرها ووواااااااايد.... يدققن في علاقة الثانيات ويا
أزواجهن وكيف هن مرتاحات، يدققن في الحالة المادية ووو

إذا سألتج عن شي اشتريتيه قولي لها مثلا من سوق
كذا وخليها هي تتعنى وتدور، ويوم بتتعب ما بتسألج عشان
ما بتحصل إجابة كامله ويمكن تحس ان اسلوبها مكشوف

حاولي تتجنبينها على قد ما تقدرين ولا تنسين ترقين نفسج
ودوم داومي على قراية الأدعية

Aشاي اخضر بسكرA • 17 سنة

اي شخص تجرأ عليك وقاعد يسألك اسئلة مالها داعي
خلاص وانتي بعد تجرأي عليه وبيني انك ماتحبين هالاسلوب
واذا كان شخص عزيز عليك لازم يكون اسلوبك شوي مؤدب وبطريقه غير مباشرة.

قلب فراشه وطاووس • 17 سنة

الله يكفيك شرها
انتي لاتروحين لها الاوانتي محصنه نفسك
وترى ماله داعي كثره الاسئله وماااااااااااااااااله داعي تجاوبين جاوبي مره وطنشي عشر