انا يوم الثلاثاء نزلت موضوع باسم( اليوم يوم مصيري)
وقلت لكم فيه اني راح اعيد الاشعة الصبغيه بعد ماقالو انه عندي انسداد في قناة فالوب والاشعة التلفزيونية عشان عندي تكيسات ورحت وعدتها ويدي على قلبي وادعي اني اطلع سليمه وطلبت النتيجه قالوا بكرة تلاقيها عند دكتورتك قلت خلاص نصبر لبكره ورحت اليوم الثاني في الصباح وقالوا انه الدكتوره حقتي ماهي مداومه اليوم بتداوم بكره عاد انا مافيني صبر قلت اعطوني نتائج الاشعة بروح عند دكتوره ثانيه ورحت عند مستوصف صغير قريب من بيتي قلت اني بس ابغى تقرالي اش مكتوب يعني الموضوع مايحتاج خبره وللاسف قالتلي نفس الكلام قالت انتي عندك انسداد وماينفع لحالتك الا طفل الانابيب انا تحطمت نفسيا وقلت الحمدلله على كل حال وجاء اليوم الثاني وقلت خلاص مابروح لدكتورتي وفكرت قلت اروحلها اشوف اذا فيه حل وهذا اللي صار دخلت عندها ووريتها الاشعه وقالت نفس الكلام..........
لاوالله مونفس الكلام قالت شفتي زي ماقلتلك انتي ماعندك انسداد عاد انا ذاك الوقت دورولي
قلت كيف ماعندي انسداد قالت شوفي في الاشعه يقولو دخلت الصبغه بس تاخرت في النزول وهذا يعني انه فيه ضيق بسيط قلت لها وش الحل قالت ماهو مشكله عشان ندور حل لان ذا الشي مايعيق الحمل قلت يعني انا موعقيم قالت يالطيف الطف عقم مرة وحده لاحبيبتي انتي منتي عقيم وحتى لوكان عندك انسداد له حل قلت مابعمل منظار قالت ليييييييييييييش تعملي منظار مافيك شي قلت والتكيسات قالت حتى تكيسات ماعندك وبطانة الرحم عندك ممتازة والتبويض ممتاز والله كان نفسي ذاك الوقت اقوم اسلم على راسها وقالت خلي زوجك يعمل تحليل وراجعيني وطلعت من عندها احس الدنيا تلف ماني قادره امشي بتوازن وادق على اهلي وصاحباتي وخالاتي وابشرهم كلهم بغوا يتجننوا من الفرحه وركبت السياره وقعدت اصيح في السياره اقول لزوجي انا سلييييمه انا سليييييييمه خلاص مااحس بشي حولي مهما يصير ذاك الوقت ماعليه منه والحمد لله اني ماكنسلت روحتي للدكتوره بجد الوحده لاتروح عند اي دكتوره شفتوا هذي اللي في المستوصف انا قلت بس تقرا الاشعه وماعرفت ودكتورتي الاولى في مركز علاج حسبي الله عليها انسانه ماديه بس تبغى تكسب من ورايه كويس اني ماسمعت كلامها ورحت اعمل تلقيح مجهري بسرعه كان اسلوبها معايه في قمة البشاعه قفلت في وجهي جميع الابواب والحلول قالت عندك التهاب شديد مالك علاج وحتى المنظار ماينفع معاك لانه شديد جدا وماينفع لك الا التلقيح المجهري ولو قعدت عشر سنين ماراح تحملين وانصحكم تروحوا لدكتورتي في مستشفى سليمان فقيه الاستشاريه د/سهير السباعي تحسينها انسانه فاهمه الله يسعدها حبيتها ذي الانسانه بشكل موطبيعي اول ماشافت الاشعه القديمه وشافوها دكتورتين قبلها وقالو انسداد هيه قالت مو مكتوب انسداد كاتبين مشتبهين انه يكون فيه انسداد من دون كلام لازم تعيدينها ماراح ناخذ بهذا الكلام وعدتها والحمد لله اني عدتها فيا بنات لاتاخذو بكلام دكتور والااثنين لكل داء بس بجد حسيت في الاربع شهور الماضيه قد ايش كلمة عقيم بشعه والله عشت ايام سودا وانا كل يوم افكر كل يوم ابكي محد حاس بالنار اللي في قلبي افكر متى يجي زوجي عندي ويقول انتهت صلاحيتك بدور بديل بس الحمد لله الحمدلله و***** الله يابنات ربي يفرحني انا وانتوا بالحمل الثابت السليم
fragrance2009 @fragrance2009
عضوة جديدة
يلزم عليك تسجيل الدخول أولًا لكتابة تعليق.
الحمد لله ربي يرزقك أنتي وكل محرومه الذرية الصالحه نفس الشي أنا قالو لي عندك إنسداد سوي أطفال انابيب بس ربي خيبهم وحملت طبيعي حتى الدكتورة ما صدقت الحمد لله
ماشالله
الحمد لله انك طلعتي سليمه ومبروووووووووووووووووووووووك
وان شالله يارب الشهر الجاي تبشرينا بحملك يارب
الحمد لله انك طلعتي سليمه ومبروووووووووووووووووووووووك
وان شالله يارب الشهر الجاي تبشرينا بحملك يارب
الصفحة الأخيرة
شفتي فرج ربي سبحانه
الله لايترك عبده ابدا ولايضيع من اتكل عليه
تمسكي بالله اكث وبالدعاء واسأل الله ان يفرحك ويفرحنا جميعا بالحمل السليم بالذرية الطيبه