السلام عليكم
بدخل في المووضوع على طول
لاني مضاااااايجه حيل
المهم ... من فتره سافرت انا في الامارات وسرت السعوديه اهل امي هناك تميت 4 شهور ورديت في رمضان
يوم سرت هناك في واحد شاافني واتقدم لي وخطبني في العيد اول يوم العيد امه اتصلت وعرفت بنفسها وعيدت
ثالث يوم العيد اتصلت مره ثانيه وطلبتني رسمي ... هم في السعوديه ونحن هني فدبي بعد مارديت
المهم اهلي اللي هناك سالو عنه وعن اهله وطلعو ناس اوكي الحمدلله وماعليهم كلام ...
المهم قبل فتره اكتشفت ان خالتي كبيره عمرها شي 40 مطلقه انها تتكلم معاه وهي متعلقه فيه والريال عمره 28
يعني صغير بالنسبه لها .... خالتي تعرف اخته وتعرف اهله
وكم مره حاولت انها تسبب مشاكل وطلع سوالف عشان الموضوع يخترب ومايكتمل ... المهم حددنا الملجه تاريخ
19 / 12 ونحن بناسفر السعوديه لان ماعندنا حد هني
واتفقنا على كل شي وجهزت اغراضي وكل شي بس اتريا الوقت عشان نسافر ..
قبل فتره سمعت ان ولد خالتي يباني ورمس وحده من خالاتي بس ماتقدم رسمي ...
المهم يوم عرف ان في حد ثاني اتقدم لي وحددنا وقت الملجه وكل شي زعل ... وبدا يسوي مشاكل وكل يوم
يتصل على اخوي ويقوله القريب اولى من الغريب ... وطرش ربعه وراحو سالو عن الريال ...
الريال هو صدق انه ملتزم ومحترم وكل شي بس وضعه المادي مو لين هناك يعني عادي على قد حاله وبعد ابوي
قال مب مشكله هو مستعد يسوي اي شي لانه الريال محترم وكلهم يمدحونه وانا اباه وهو يباني
المهم ولد خالتي راح طرش ربعه وكل مره يتصل على اخوي ويطلع لي سالفه يديده مره ان الريال ياااي على طمع
ومره الريال يبا يستغلكم ... ومره انه القريب احسن من الغريب .. ومره ان انا بعدني صغيره وعمري انا 23
المهم كل مره يطلع بسالفه ومره جنسه واصله مب من جنسنا وفصلنا ومادري شو ...
انا الحين مب عارفه شو اسوي وابوي يسمع الكلام وساكت اخاف مره وحده يغير رايه ويقول مب موافق على الزواج
وغير ان المشاكل اللي تصير من خالتي كل يوم واحس ان خالاتي كلهم اتغيرو علينا مره وحده وكل ما تمشي الايام
احس ان المشاكل تزيد وكل مره يطلع موضوع وسالفه يديده ... انا ماصدقت حد يا واتقدم لي وافقت عليه تطلع لي سوالف
وغير جيه مرت خالي هي الوحيده اللي واقفه وياي في هالموضوع خالاتي كلهم اتغيرو عليها ..
والشي الثاني ان ولد خالتي هذا حتى لو تقدم لي انا ما ابااااااه ... ما ارتاح له ولا ادانيه
طبعا كلهم هناك في السعوديه .... وهم خالاتي من امي *عمتي اللي هي حرمت ابوي *
المهم انا الحين مب عارفه شسوي ... خايفه لان الناس كلهم عرفو ودرو ان الملجه في هالوقت والتاريخ فجأه من غير
مقدمات يقولون الموضوع اخترب ...
ولا ابوي فجأه يغير رايه ..
وغير جيه انا ابا هذا ومابا ولد خالتي صدق انه قريب مب بعيد بس بعد ماباا
اسمحولي يمكن غثيتكم وياي
مشكلتي_دلوعه @mshklty_dloaah
محررة فضية
يلزم عليك تسجيل الدخول أولًا لكتابة تعليق.
اختي لا تزعلين مني
تقولين انه يكلم خالتك وانها متعلقه فيه ما اظن ان في رجال ملتزم ويسوي علاقات مع حريم
والله يقدملك الي فيه الخير
تقولين انه يكلم خالتك وانها متعلقه فيه ما اظن ان في رجال ملتزم ويسوي علاقات مع حريم
والله يقدملك الي فيه الخير
ام الزيك
•
اختي انت قلتي ان خالتك عمرها 40 سنة وبتحكي معاه يعني كيف شب كويس وكيف يكلم وحدة اكبر منه ب20سنة تقريبا فكري منيح قبل ما تاخدي اي قرار
اللي اعرفه ان هي تتصل به
والاخت اللي قالت لي الزم الاستغفار
الحمدلله كل يوم استغفر 1000 مره
والاخت اللي قالت لي الزم الاستغفار
الحمدلله كل يوم استغفر 1000 مره
الصفحة الأخيرة
استخري ربك وربي يكتبلك اللي فيه الخير ،،،،
اكثري من الاستغفار،،،،