مادري الحياه ممله او احنا اللي ماعدنا زي اول

موضوعي باختصار مهمومه كثير كبرت بالعمر وللحين ماجاء النصيب ماعدت احضر حفلات واجتماعات لاني كنت احضرها على امل انخطب وحضرت كثير سنوات طويله احضر واتكلف ولافي نصيب لان اجتماعاتنا رسميه وممله جدا وتكاليفها فوق الامكانات بالاخير ريحت نفسي من الحضور الناس بعرفوني زين لكن الحمدلله على كل حال ولما تزوجوا اخواتي الي اصغر مني صرت ماعدت اتحمل نظرات الي حولوا وكلامهم صرت ماحضر وقطعت علاقتي مع ناس كثير لاني سمعتهم يتكلمون فيني ماراعوا مشاعري على الرغم من اني راعية جمايل عليهم بس بمجرد مايتزوجوا الي اصغر منك يبدا الكلام ولو صرتي ماتسولفي يسبو فيك بالرغم اني مكسوره ومهمومه علشان كذا صرت ماتكلم وابتعد عنهم وبعد كلامهم صرت اتحشاهم نهائي ماعدت احس فيه شي بالحياه ممتع وحتى ورمضان والاعياد صارت زي بقية السنه ماعاد فيه شي له طعم دايم احس اني ناقصه عن غيري انام وانا اطالع فساتين العرايس واصحى واسمع اناشيد الزفات واعيش بقية اليوم اضم الاطفال والعب معهم واوكلهم احبهم مره فيني نقص عاطفي من الطفوله امي جافه معاي من يوم انا صغيره عيب عندها الضمه او حتى القبلات لبناتها تمر سنوات ماتبوسنا الا اذا كانت راجعه من سفر وهذي ماتصير غير كل خمس سنوات مره حتى بالاعياد ماتعترف في هالشي نهائي واي شي اقوله لها تعايرني فيه قدام الجميع لو اعلمها بسالفه صارتلي واقولها بيني وبينك الاقيها مكلمه كل اخواتي ومبلغتهم شخصيتي محبوبه وواثقه في نفسي واجتماعيه بعيد عن اهلي علشان كذا متعلقه في وظيفتي لكن اي مكان اهلي معاي فيه اصير شخصيه سلبيه خايفه من الانتقادات متردده خجوله صرت اكره اطلع معاهم وبعد ماكبرت بالعمر بدون زواج صارت الشخصيه من اسوء لسيئ حتى وطيفتي اثرت عليها مره صرت ماعاد ابغى اي شخص ومستعده اخسر كل الناس اتغير احيانا لكن بمجرد ماحد يسالني وش اخر اخبارك ارجع للحاله القديمه اكره المكالمات لانهم يسالوني ماتزوجتي ماحد خطبك اخجل جدا جدا كل مره جوابي لا
انصحوني اخواتي في احد مر بهالتجربه

وكيف تتنتسون جروح وكلام الي حواليكم

اعذروني مالقيت غير اشكي هنا





احاديث قلبي و رغباته بين يديك يا الله انت اعلم بها فاجعلها واقعًا يُفرحني ،،،