بنات حنا نحب امي ونموت فيها
لكن فيها طبع يمكن هو سبب كسر ثقتنا انا وخواتي
واخواني كمان امي كيف اشرح لكم
دايم تحسسنا اننا ولا شي !!
دايم تحسسنا اننا اقل من غيرنا بكل شي
مع اننا ماعلينا اشكالنا احلى من غيرنا
دارسين جامعات
لكن دايم ماتشوفنا شي دايم من كنت طفله
وانا اشوغ امي تحس بنات خالاتي وبنات عماني
وين وين
فووووووق وحنا تحت مع اننا ماننقص عنهم شي
امي دايم تناظر الناس اعلى منا واعلى منها بكل شي
المشكله كبرت وكبرنا وكبر هالشي كبر معنا
يعني بقولكم امثله
انا اقدم مثلا واتوظف تجي امي تحطمني
تقول اكيد الوظيفه شينه ولا احد يبيه
ولا ليش ياخذونك
اكيد الوظيفه به عيب ولا لو زينه ماخذوك
اكيد ماحد يبيه الوظيفه عشان كدا قبلوك
وحتى اول مانقبلت بوظيفه قبل استقيل لان صارت لي مشاكل
منهبله تقول لاختي وشلون قبلوها
انا قلت مستحيل تنقبل والله ماقبلها بالوظيفه
الا ان ماحد يبيها دااااااايم كذا
اختي تقول ان امي تقول مستحيل تنقبل لما رحت اقدم
فيه غيرها بياخذون غيرها
تحسسني اني مو مكاني ذا الشي اقولها وش فيني انا
جامعيه ودارسه شايفه معي شهاده ابتدائي!!
اليوم انفتحت نفس السالفه قبل فتره زمان بعد ماتركت ىظيفتي الاولى صرت ادور وجاني عرض ولما رحت المقابله
مارتحت بسبب المدير اجنبي من جنسيه عربيه
ونظام الشركه ببيت يعني كاني جالسه معهم ببيت
بيت خرابه مستاجرينه ويقولون حنا شركه!!
انا على طول رفضت الوظيفه وطلعت وجلست اعلم
اهلي بالسالفه قالت امي
اي انا اقوله ماقبلوك وكلموك الا ان ماحد يبيه الوظيفه
انا هنا انفجرت قبل شوي طلعت الاول والتالي واحس
قسيت ع امي جاست اصارخ وانافخ <وللاسف ندمت الحين
لما استوعبت انا خلقه مضغوطه وهي تحطمني
قلت وش فيك انتي علينا وش فيك كذا عايشه بس لتحطيمنا ماشوف فلانه قالت لبنتها كذا
<جالسه اصارخ عليها وابكي من قهري
انتي عايشه بس هذي وظيفتك من يوم اطفال للتحطيم
وش ناقصني عشان تقولين عني كذا وش شايفتني معي
ابتدائي!!
تراي جامعيه وباحسن قسم وتسسسسسسكت ىترقع
تقول لا قصدي ان ماحد جاها وكلموك قلت وش دخل ماحد جاها
يمكن حظي يمكن اول وحده رحت المقابله انا وقبلوني
ليش كل مكان يقبلني تقول اي ماحد يبيها من يوم كلموك!! وتسكت والله ماتدري وش تقول
انا صراحه ندمت اني صارخت ونافخت على امي
لكن امي قاهرتني يالنات كلنا انا وخواتي الثقه زيرو بسببها
اقسم بالله لما اشوف تعامل خالاتي مع بناتهم انقهر
ليش امي مو كذا
ليش امي بس فالحه للتحطيم والترفيع للناس
امي حياتي' @amy_hyaty_15
عضوة جديدة
يلزم عليك تسجيل الدخول أولًا لكتابة تعليق.
اذني123
•
لانها امك اتحمليها واسمعي من اذن وخرجي من اذن واذا على سالفه التحطيم فهذا مو عيب فيكم ولاكن هي ناقصها الثقه فالنفس وهذا شي ماتقدر تفهمه وانتم بناتها لاتقسون عليها تكيد انها حاسه بس ماتعرف تتصرف صح انتي بذكائك غيري فكرتها بدون اعصاب والله يصلح الجميع
Asmaeie
•
والله امي عندها نفس امك بالضبط بس مو بالوظايف. امي تقول فلانه تقهوي وتحيي بالحريم وانتن لا معنا والله نحيي ونقهوي بس هي تشوفهم افضل لازم ومرات لبست لبس قصير قالت وش مطلعه هالسيقان لو انه سيقان فلانه وعلانه غطيها كأنه سيقاني فيها عيب يعني والله استغفرالله بس هي مره قلبه طيب ورحوم مره بس فيها هالشيء وانا امشي الشكوى لله مشي بالاخير هذي امك وانتي تقولين نحبها ونموت عليها يعني اكيد هي طيبه معكم بس طبعها كذا الشكوى لله والله انا م اكذب عليك حاولت اغير امي مصره الوالده الله يحفظها يارب ويحفظ امك اهم شيء هالكلام بينكم م يطلع للغريب وحاولي انتي تقنعينه والله يهديها ويهدي امي
Asmaeie
•
وانا مع الاخت اذني 123 صراحه اسمك غريب ضحكني اسفه😂 اتوقع فيها نقص ثقه لان امي مره وحده قايله لها سيقانك مره مو زينات سيقان فلانه افضل والظاهر من هنا بدت خذت المقارنات ولازم الناس احلا منا اتوقع هذا السبب
مشهوررة
•
عندي وعندك خير امي زي امك واخص من نحنا صغار تشوفنا ولا شي وتتريق على اشكالنا وما انسى تريقاتها على اسناني لين كبرت وصرت اجمع فلوس بس عشان اصلح اسناني واتمنى لو اني سويت زيك من زمان وطلعت اللي بخاطري
الصفحة الأخيرة