مادري بيطلقني ولا لا؟؟

السلام عليكم كيف حالكم
انا محتاجة مساعدتكم يابنات عالم حواء

مادري من وين ابتدي المهم انها قصة طويلة الزبدة واللي يهمني اللحين انه انا متزوجة وحياتي الزوجية مش بطالة تمشي يعني لاني صبورة جدا المهم مرينا بكوارث زوجية كثير لكن اتنازل عشان الحياة تمشي خصوصا انه عندي طفل وتطلقت من زوجي مرتين ونرجع طيب
كل مرة هو السبه اللي يتسرع ولا انا ارفض حتى لني اترك بيتي وعدينا وحملت بالثاني قلت بصعب عليه طردتنا من البيت ولا طلاقي فرح مرة بحملي بعد فترة بدى يتغير صارت الحياة روتينية ومملة بزيادة حياة شيبان 0 وانا لازلت صغيرة اتعطش للحياة واحنا مالنا5سنين متزوجين من سنة ونص الرجال تدهور بزيادة النفس خايسة 24ساعة ومتضايق ومتأفف الحياة صارت جحيم مرعب وبعدين صار بالويك اند يطلع ولا عاد يرجع الا الجمعة بالليل ولا يرد على تلفوناتي وكنه ماعندي رجال بعدين يجي وينام وكنه انا وعياله تحف بالبيت حاولت انقذ مايمكن انقاذه بدون فايدة الرجال في عالم ثاني ماكنه متزوج حاولت بكل طريقة مافي امل خلاص صرت حزينة مكتئبة تحط الحرة في عيالي اضربهم واصرخ ودمعتي ماتوقف ابي زوجي يرجع زي ماكان
خلاص مهملنا مايتكلم معاي محتقرني باله مع اللي يسهر معهم

وقررت في بالي اني اترك البيت لاني خلاص اصبحت حطام بس اتردد اخاف مايرجعني وانا مابي اتطلق ابد لانه مابقالي غير طلقة بس اتراجع ماترك البيت 0والرجال مستمر على حاله وكل ماصبرت زاد بشي اعظم صار ينام برا البيت وسط الاسبوع
المهم اخر اسبوع صار الوضع لايطاق 0معصب طول الوقت خلاص انا طفح الكيل
تهاوشنا على الغدى قلت خلاص انا مليت عيشتك وبترك البيت0 كلمت اهلي وقلت تعالوا خذوني
المهم قال الوالد خليني اكلم ابوه واقوله السالفة .كلم على عمي وقاله السالفة كذا وكذا والولد ينام برا البيت وحنا خايفين على بنتنا من الفتنة
المهم عمي قالل هذا شي ما ينسكت عليه كلش ولا هالعلوم
قال لابوي رح خذ بنتك وحنا بنسكت ماراح نقوله شي لحد مايجي ويقولنا انه زوجته تركت البيت وبنقوله على كل شي
انا اللحين عند اهلي صار لي اسبوع ولا حس ولاخبر عن زوجي ولا سأل عنا ولا شي

هل تتوقعون انه خلاص ماراح يرجعني ؟انا مابي ارد اللحين لاني تعبانة بس ابي ارد بعد فترة وش تتوقعون زوجي بيتنازل عننا ويتركن ولا بيردنا
مرة خايفة وش رايكم؟