مادري شفيهة بشرتي ؟؟؟؟؟؟؟؟

اختي انتبهي الى نوعية الطعام او اعتني اكثر ببشرتك خاصة ادا كانت دهنية ناعملي لها تقشير مرةاومرتين في الاسبوع ومن الافضل يكون طبيعي وبالنسبة للحبوب ادهني وجهك بالطين الاخضر نصف ساعة ثم اغسليه وامسحي بماء الورد

مشكورة اختي بس من وين احصل الطين الاخضر ...........

هلا فيج حبيبتي الاحسن تروحين الطبيب او صيدلي

واستفسري يمكن تغير هرموني بسبب شي معين ويكون الحل بسيط

يعني ماتكونين محتاجه لا كريمات ولا اقنعه..

بس انا بقولج طريقه حلوه ..

اول شي غسلي ويهج بصابونه معقمه او طبيه تكونين متعوده عليها

ثاني شي سوي تقشير..وبعدها جهزي قناع طبيعي مثل ..


قناع البقدونس والنعناع : اخلطي 3 ملاعق كبيرة من أوراق النعناع الطازجة المفرومة مع 3 ملاعق كبيرة من البقدونس المفروم و 285 مل حليب ويقلب جيدا ، ويترك حتى ينقع باللبن لمدة 12 ساعة ثم يصفى ويوضع على الوجه ثم يغسل بالماء ويفضل أن يستخدم صباحا ومساء .

قناع الطماطم : تهرس ثمرة طماطم ، ويبشر قشر نصف ليمونة ويضاف لهما قليل من عصير الليمون ويتم خلطهما جيدا ، يوضع الخليط على البشرة لمدة 15 دقيقة ، ثم يشطف الوجه بالماء الدافىء .
وانصحك بقناع الطماطم لانه بصراحه روعه..

بعدين تغسلين ويهج بماي دافي

استخدمي كريم مرطب طبي فقط للترطيب ..اتمنى اني اكون افدتج تحياتي ياحلوه

خل التفاح وايد عجيب حق الحبوب والتهابها شفت رفيجتي حاطة بعلبة ماء وخل تفاح وترش وجهها كل يوم تقول وايد خفت هالحبوب بعد استخدامها للطريقة هذي

مشكورين خواتي وااااايد ..
بس في ناس يقولون لي لاني ارضع ولدي الصغير يمكن نقصت الفيتامينات عندي .. فشرايكم .. واذا هالكلام صحيح شلون اعرف اي فيتامين ناقص عشان اقدر اعوضة ..