السلام عليكم بنات..
شلونكم شخباركم..
بنات انا متضايقة وايد الحين وتكفة أبيكم تريحوني وتساعدوني وتقولون لي شسوي..!!
ومن غير كلام زايد بقولكم السالفة..
أمس..سلمكم الله..قعدنا الصبح انا وزوجي عشان يوديني المعهد..وكنا شحلاااااتنا..
الكلام الحلو اللي يدور والحب والعزل..
المهم انا بالمحاظرات أحط تلفوني سايلنت (صامت) فعشان جذي دقيت عليه وقتله انا الحين بدش المحاظرة وبحط تلفوني سايلنت..
حلو..؟
لي هني واحنا اوكي..
المهم طلعت من المحاظرة..ودقيت عليه فما رد..
لكن انا بعد ما دقيت عليه نسيت اني كنت حاطته سايلنت عشان جذي ما بدلته بالعام..فبعد تقريبا ربع ساعة شفت التلفون ولا 4 مكالمات لم يرد عليها..هني انا قلبي قام يطق (خصوصا انه أكثر من مرة قايلي اذا طلعتي من المحاظرة حطي جوالج عام..)فدقيت عليه وانا أرجف لأن ادري انه راح يعصب..............المهم..
رد علي وسفل فيني تسفل ومابقا سب ما سباني ما بقا كلمة ما قالها لي لكن انا ادري اني غلطانه عشان جذي قاعدة احاول كثر ما أقدر اني أهديه..وأعترف بغلطي..المهم اخر شي قالي انا عند الباب يالله طلعي..
انا قلت هالموقف خلاص طلع حرته مني وسفل فيني قلت الحين أكيد برد عادي..
فبعدين ركبت السيارة توني بتكلم معاه جان يجعمني ويقول:اووص سكتي..ولا كلمه ما بي أسمع صوتج انجعمي..
انا طقتني البوهة!! قلت شفيه جذي..سكت وقلت مابي أسوي مشاكل..رحنا بعدها تغدينا بيت أهلي فلما طلعنا قلت الحين راح يرد عادي لكن نفس الشي..أمسك ايده يقولي وهو جنه منقرف:شيلي ايدج يالله شيليها..
عاد هني انا شبيت..جان أصرخ:انت شفيــــــــــــــــك!!ليش عقلك جذي ..معقولة كل هذا عشان السالفة اللي صارت..كبر عقلك عاد ولا تعطي الموضوع أكبر من حجمه..
تتوقعون شنو رد علي؟؟!!
قال:اووووص انجعمي..!!انا هني بس حسيت نفسي محتررة حيل لكن ماعندي شي أسويه غير البجي فقمت أبجي..
لكنه ما اهتم..!! وظل جذي ..
واليوم ثاني يوم وهو على نفس الحال ما يكلمني ولا يبيني أكلمه..!!
بنات تتوقعون شفيه..
معقوله عقله صغر لي هالدرجة..!! ولا في شي ثاني خاشه..
انا مو فاهمة وأحس اني حايرة مادري شسوي..
تكفة ساعدوني..
وبصراحة اشتقت حق ضحكته معاي...................ساعدوني تكفة..
وآسفة اذا طولت عليكم..
mrs.alkout @mrsalkout
عضوة فعالة
يلزم عليك تسجيل الدخول أولًا لكتابة تعليق.
طيب انتِ ليش تكلمينة وهو معصب خليتية يقول الي يقول ولا رديتِ علية
وغلط لمن كلمتية ولا مسكتِ يدة
هو بعدين من نفسة يجي يكلمك
بعدين ترى والله شي يعصب اهمال منك مو مرة ولا مرتين هو اعتبرة عدم احترام وتحمل للمسئولية
خلاص لاتكلمينة ولا تعاتبينة
الله يهدية يارب
وغلط لمن كلمتية ولا مسكتِ يدة
هو بعدين من نفسة يجي يكلمك
بعدين ترى والله شي يعصب اهمال منك مو مرة ولا مرتين هو اعتبرة عدم احترام وتحمل للمسئولية
خلاص لاتكلمينة ولا تعاتبينة
الله يهدية يارب
بعض الرجال يحبون الدلال الزايد
وشكلك دللتيه كثير فسيبيه وقومي بواجباته فاذا شافك مو معطيته بال هوا اللي راح يجيكي
وانتش كمان ماغلطتي عشان يصير هذا كله
الله يسخره ليكِ يارب
وشكلك دللتيه كثير فسيبيه وقومي بواجباته فاذا شافك مو معطيته بال هوا اللي راح يجيكي
وانتش كمان ماغلطتي عشان يصير هذا كله
الله يسخره ليكِ يارب
مشكووووووورة يا اختي ما احب الوداع على مرورج الكريم..
بس والله انا اعترفت بغلطي لكن مهما يكون ما يعصب علي يومين جذي يخليني مادري شاللي بباله..
:(
بس والله انا اعترفت بغلطي لكن مهما يكون ما يعصب علي يومين جذي يخليني مادري شاللي بباله..
:(
الصفحة الأخيرة
رأي قومي بواجباتك عادي من طبخ وهذي الامور
وسبيه براحته ممكن في شيء في العمل شاغل باله
وبعدها تلاقيه من نفسه يكلمك عادي ان شالله
ربي يهديه ويسخره لك