مادري شنو اقول بس كل اللي اعرفه اني تعبت موقادره اتحمل

السلام عليكم


في وايد من البنات قرو مواضيعي وماقصرو معاي بالدعاء او بالنصيحه


بس اليوم صار موقف وتضايقت منه


انا اول شي بدوله اجنبيه انزين وما اعرف فيها احد الا وحده تعرفت عليها مرت رفيج زوجي

وعرفتني من فتره طويله على وحده عندها مشالله 5 بنات كبار


المهم الاسبوع الي فات كان ملكه البنت ورحت وقدمت لها هديه

المهم اليوم ضربت ببالي اروح السوق ورحت لحالي من غير زوجي كنت ابي امشي براحتي وادور ملابس براحتي لانه لمن يجي معاي ينرفزني ويضل واقف فوق راسي وهذا ضيق وهذا مو حلو وهذا مادري شنو اتنرفز وانا ذوقي صعب


المهم شفت البنت اللي ملكت

وقعدت اتكلم معاها وجذي


المهم من بين كلامي معاها قالت لي هني بالسويد مافي قمصان نوم ومحتاره وزواجي قرب ولاعارفه شنو اسوي

انا والله احب اساعد اي احد باللي اقدر عليه


المهم قلت لها عندج مقدر بالفلوس قالت لي اي


قلت خلاص امي هي اللي جهزتني وملابس الكويت معروفه ان كانت ملابس عاديه او ملابس نوم


قلت لها امي ذوقها حلو حيل وماعليه كلام


قالت والله اعطيج الفلوس وتحولينها حق امج وتشتري لي لو 30 قميص نووم ومنهم قميص اول يوم بالعرس


انا والله كل هذا حبيت بس اخدم البنت واعز البنت وايد ماشفت منها اي شي يضايقني ومحترمه


المهم

رديت البيت خبركم ماعندي احد اكلمه خير الباشا(زوجي)

المهم قلت له البنت تبي شغلات من الكويت وتبيني احول الفلوس حق امي وامي تشتري لها وجذي
عصب قالي ناس ماتعرفينهم وليش تدخلين نفسج تبي تجهز بكيفها انتي شكو انتي ليش ماتفهمين وماتتعلمين


انا تضايقت لانه انا بطبعي احب اخدم الناس حتى لو من غير مقابل ما انطر المقابل


قالي افرضي شريتيهم ووصلو وماعجبو البنت


قلت وانت شكو خلاص انا والبنت نتفق انت شكو


والله حسيت اني غبيه كل شي اجي واشكي واقوله كل شي


احس اني هبله ماعرف اسكت لانه مو من عادتي اخش عنه شي


كلمه مني كلمه منه عصبت عليه وقمت ابجي قلت له انا موغبيه انا احب اخدم الناس قالي والناس شنو تسوي لج قلت مابي احد يسوي لي شي انا ما انطر مقابل من احد


انا ابي اتعرف على بنات واطلع واستانس ابي انسى سالفت الحمل ابي اونس نفسي الله ماكتب لي 4 سنوات احمل خلاص خليني استانس واطلع يمكن الله يفرجها علي لانه نفسيتي تعبت من التفكير وقاعده بس بالبيت اطبخ وانظف مثل الخدم بس زهقت من اخر هوشه معاه ونزلت الموضوع هني والله غيرت حياتي


صرت كل يوم اطلع لو انزل امشي شوي تحت المهم اغير جو البيت


بس نرفزني كلامه زين انا احب اخدم والبنت قاعده تمر مثل اللي امر فيه جهاز وتعب


حتى من كثر ماذوقي حلو باللبس قالت لي اذا ماعندج شي يوم الاربعاء ابيج تروحين معاي نشوف ثوب العرس ونشتري ملابس حق الجهاز وقلت له قالي روحي عادي ماعندي مانع


بس قهرني ليه تبين تساعدينها قلت انا بساعدها من فلوسها مو فلوسي فلوس الشحن بالبريد عليها وفلوس الملابس عليها


مافيها اساعد البنت يمكن هذا شي انا اسويه لوجه رب العالمين يمكن لو كلمه الله يجزاج الخير او كلمه الله يرزقج اللي تتمنينه تريحني وتفرج عني همي

انا ما انطر مقابل مادي من احد والله


وهل رجال مطلع لي قرون وربي


وانا ماعرف اسكت واحط لساني بحلجي واسكت لازم كل شي يصير اجي واقوله ودي اصير كتومه ما اتكلم انا لا كل شي اجي واقوله له سويت كذا فلانه قالت لي كذا خلاص لازم اسكت بس الاقي نفسي ودي اتكلم مع منو ما الاقي غير زوجي واتكلم له



شورو علي يابنتا اساعدها والا اطنش الموضوع؟؟


لانه والله هني مافي قمصان نوم كلش انا كل قمصاني من الكويت


اساعدها والا لا؟؟؟؟


:angry: