مادري من حقي أزعل ولا انا ابالغ

انا وخواتي اتفقنا الاسبوع الجاي نروح لخالتي في بيتها الجديد ونعشيها اتفاقنا كان نروح لخالتي ( اول اسبوع بعد الرواتب ) وقلت لهم أكيد على موعدنا عشان اضبط جدولي في الدوام لاني أداوم احيان مساء وأحيان اخر الليل وأحيان الخميس والجمعه قالو لي أكيد وخليت الرئيسه حقتي تخلي اوفي الجمعه والسبت من الاسبوع الجاي عشان قلنا بنروح لخالتي الخميس ونسهر عندها والحين جيت بيت اهلي مسيره عليهم الا اسمع اختي تقول لامي بروح اشتري الكيكه لخالتي انا طنشت وشوي الا اختي نفسها ترسل في القروب لبنات خالتي تقولهم يرسلون موقع بيتهم سالت امي قلت لها وش السالفه قالت بنروح لخالتك اليوم قلت لها انا بكره عندي دوام الصبح وولدي مايخليني انام يعني بسهر معه وزوجي بكره مسافر يعني محتاسه مره قالت براحتك تبين تروحين تعالي معنا ماتبين براحتك قلت لها اني ضبطت جدولي عالاسبوع الجاي خلونا نروح سوا عيت
انقهرت ي بنات فيني صيحه وانا جايه اسولف معهم مادري ليه سوو كذا
وانا عطيت زوجي خبر اني بروح الاسبوع الجاي مع اهلي والحين حطني عندهم وراح مشوار بعيد مادري ادق أقوله يجي لي ( احس اني متفشله وش أقوله ) بس بيروحون الحين كلهم ماحد بيبقى بالبيت الا انا وولدي
مادري انا ابالغ ولا وش وضعي