مادري هي مشكله او انا مكبره الموضوع(اهل زوجي)

السلام عليكم
بدخل ع طول بالموضوع
انا ساكنه فوق بيت اهل زوجي وببداية زواجي كانو يقولو لي انزلي كل يوم والباب اللي بيننا دايما مفتوح احس مالي خصوصيه كل طلعاتي يعرفونها وزوجي مايخبي عنهم شي كل ماجيت بطلع يطلع من عندهم مو مع بابي ويقول لي تعالي من عندهم عادي والرجوع نفس الشي مع بابهم وهم دايما جالسين بالصاله ويشوفوني انا مابيهم يعرفون خصوصياتي كنت ادخل من عندهم بالغصب وتنسد نفسي عن الطلعات كل ماتذكر اني بمر من عندهم وكم مره اقول لزوجي مابي اطلع من عندهم ليش ماطلع مع بابي يقول عادي لاتصيرين رسميه مع اهلي والله انا ما اكرههم خواته حبوبات بس امه من تحت لتحت احسها تحرضة علي لان احيانا يجي من عندها متغير هذا غير الكلام الصريح اللي اسمعه قدامي مره قالت له مر المطبخ وهات القهوه قال تجيبها الحرمه مو انا قالت ايه هالكلام بس قداميمعنى كلامها انك قدامي مسترجل عليها ومن وراي العكس وكانت تقول فلان متغير من يوم تزوج ماكان كذا وكل شوي تسمعني هالاسطوانه وتقول مايجلس معي على طول يصعد يمك كرهت الجلسة معها لا وتبيني انزل لها كل يوم وهي كلامها كذا واذا نزلت ما الاقي منها ابتسامه دايما مكشره واذا جو بناتها تسحب علي ودايما تقول كلام ينرفزني وبناتها يرقعون لها وتفضل حريم عيالها علي مع اني اكثر وحده اجيها اما حريم عيالها يمكن بالشهر مره يجونها وتحبهم احيانا احس اني اذل نفسي لها وزوجي كل شوي يسالني نزلتي تحت اليوم واذا قلت له لا قال انزلي وانبسطي مايدري اني اذا نزلت يضيق صدري احيانا اذا طولت مانزلت الاقيها مكشره بوجهي مع اني ماطول عنها بالاسبوع انزل مرتين او ثلاث  ،، الحين انا اداوم توي متوظفه وحامل ومالي خلق احد وش اسوي احس اني لازم انزل كل شوي مادري ليش مضيقه على نفسي ومعطيتهم اكبر من حجمهم شورو علي والله اني دايم بهم بسبب وجودي فوقهم احس اني مرتبطه فيهم ولازم ارضيهم اااااه بس ليتني ساكنه ببيت لحالي ماحد يدري عن خصوصياتي ولايحاسبني ليش مانزلتي اليوم وليش مالك حس اوف طفشت




مجرد فضفضه حسيت نفسي مخنوقه