مادري وشلون اعلمهم

ليش ما حد رد وعطاني نصائح لا حول ولا قوة الا بالله :(

ماادري انا اشوف للحين صغار
انا مابديت ادخل المطبخ الا بعد ثالث ثنوي
وانا من نفسي دخلت من غير ماتطلب امي وشوفيني الحين ماشاء الله تبارك الله اعرف لكل شي
يعني لاتحاتين البنت بطبعها تحب امور البيت لان ربي خلقها كذا
بس في فتره المراهقه يحبون التمرد ولا يحبون هالسوالف بس تنتهي وهم يسون كل شي من انفسهم
بس نصيحه في هذي الفتره لاتضغطين عليهم يطبخون عشان مايكرهون المطبخ
بس اذا رحتوا مكان و كانت وحده من بناتهم مسويه شي امدحيها قدامهم بس من غير مقارنه فيهم
وهم بيتحمسون ويتعلمون

البنات في هذي الفترة ما يهمهم المطبخ .. يحبون كل شي جاهز .

لكن بعد 18 سنة ويمكن اقل راح تشوفينهم عافسين المطبخ ومكسرين الصحون والغسيل واصل للارض ...

ولا تجبرينهم على دخول المطبخ الا في الوقت المناسب ..

ولو انتي حابه يدخلون : عملي لهم مسابقه .. كتشجيع .. من افضل طبق .. ودخلي معاهم بنات عمهم او بنات خالتهم .. او حتى بنات الجيران ...

والله يسعدج بشوفتهم في بيوت ازواجهم

انا من صغري كنت أحب المطبخ و في المدرسه كنت أخذ التدبير المنزلي بكل سرور بس للأسف امي ما كانت ترضى أدخل المطبخ و لو دخلت تصارخ بس في الأخر انا أنتصرت و صرت أدخل بعد ما في تخلص شغلها, أختي الحين 20 سنه توها باديه تهتم بالمطبخ و تدخل تسوي أكلات و يوم كانت في سن بناتك كنت احاول أجبرها تساعدني لو امي مسافره بس لا حياة لمن تنادي, أتركيهم على راحتهم

عليك بالمدح

شجعيهم على دخول المطبخ و بشغلات ظريفة ( ابعدي عن البصل ) بيعقد :30:

مثلا كيكة تسويها و هم يجملوها تحت إشرافك طبعا


تقطيع سلطة

و ما أوصيك مدح مدح و كلام ينقط عسل أو جائزة تشجعية ( زيادة المصروف )

شوي شوي بيصيروا طباخات إن شاء الله

لكن برأيي لازم تعوديهم