مادري وش اقولكم وربي عن اللي انا فيه .. بجد شيء يكسر الخاطر..

..بنات صارت لي سالفه ثاني ايام العيد باضبط حدث واني رحت ازور اهلي واخذت معي حلويات وكنت مبسوطه وصدري متوسع ومريت المخابز واخذت معي جاتوه المهم .... وصلت لهلي بالسلامه وتقهوينا وسوينا العشا وياليتني ماجيتهم من جد لان مرة اخوي كانت والده قبل يومين واناماكلمتها قالت لي امي ماكلمتيها قلت لا قالت كلميها الحين واسالي عنها فشله المهم قلت لاختي جيبي شنطتي ابي الجوال ابكلمها المهم رقمها مو مخزن وجيت ادقه ودقيت على رقم زوجي ... ومارد المهم سكرت ودق علي هو قلت لامي دقت يوم رديت الاصوت رجال قلت هذا مو جوال ....... قال زوجي انتي دايخه انا ...... انا من الازعاج ماسمعت المهم وانا اقول هذا مو جوال فلانه الاعلى دخل اخوي >>>> زوجها وقال من تكلمين؟؟؟ المهم سكرت من زوجي وبشوف الرقم الا يوم قال هاتي الجوال ويوم فتحت المكالمات الصادره يوم ضربني كف وربي يابنات اني اغمى علي من الكف ماعاد اشوف صارت الدنيا سوداء المهم مسكت جوالي وقلت وربي ماتاخذه انا انقهرت ليش يسوي كذا على طول ضربني لاتفاهم ولاشيء الايوم جاني يابنات وقام شالني وربي يابنات ما بالغت شالني وضربني على الارض ووطى في بطني وامي وخواتي يبكون ..... وقطع شعري وامي تقول لي عطيه الجوال وتبكي المهم يوم بعدوه خواتي عني قمت انا طلعت الشريحه وحذفت الجوال عليه واخذ الجوال وراح ويوم مالقى الشريحه فيه جا الله لايوفقه وضربني الين جاني نزيف >>> لاني مركبه لولب في رمضان وربي يابنات غرقت الدنيا من الدم ويوم دعة عليه امي جاء مره ثانيه وكسر باب الحمام علي انا كنت متخبيه في الحمام وضربني يقول لي انبسطتي يوم خليتي امي تدعي علي ... وضربني الين تكسرت >>>>ندبه سوداء في يدي + مخوش في يديني ورقبتي + قطع بلوزتي جاني زوجي واخذني وانافي حاله يرثى لها احس ايام الماضي رجعتلي وقمت اتذكر كل لحظه انظربت فيها ... وزوجي انهبل ويقول وش ذا من اللي سوا فيك كذا ... قلت طحت من السلم قال والمخوش بعد من السلم جلست ابكي عنده وقلت له ان اخوي هو اللي سوا كذا ..... والمشكله يابنات انه دق علي اليوم الثاني وكان زوجي عندي وكان مغير صوته وش تتوقعون يقول؟؟؟؟ يقول لي هااااه ياحبيبتي زوجك عندك ولا اجيك .. انا انفجرت من البكا احس انه مو مخليني لحالي وقلت لزوجي انه اخوي واليوم الثاني اتصل علي ومجرد ماسمعت صوته سكرت السماعه في وجهه ... انا مادري ليش يسوي معي كذا على اني وربي يابنات عمره ماطلبني شيء الا وعطيته حتى الفلوس الين طلبني على طول اقول له كم تبي ؟؟؟ انا من جد انجرحت وامس رحت لاهلي ولقيته ولاسلمت عليه وحتى ماله نيه يسلم واكتشفت امس انه مطاق هو واختي الكبيره في رمضان وانهم مايكلمون بعض ... بجد حالة عائلتنا يرثى لها ويوم رحت لابوي في الخيمه اللي برا>>>> في الحوش لقيت التلفزيون حق الخيمه متكسر ويوم سالت ابوي قلت من اللي مكسره قال اخوك .... تهاوش مع اخوي اللي اصغر منه وبغى يذبحه بالتلفزيون وقام اخوي اللي اصغر منه وسافر في نفس اليوم لان امي ارتفع عندها السكر وراحت للمستشفى ..... والشيء اللي يقهـــــــــــــــــــــــر يابنات انه متعلم وفاهم واتكيت في كل شيء لبسه وسيارته حتى في تعامله مع الناس وزوجي يوم دى انه هو اللي مسوي فيني كذا انهبل قال مو معقوله .... اللي عندها حل يابنات امانه لاتبخل علي انا واهلي اللي حالتهم زي الزفت....