@ مادري وش اقول من هول الصدمه ..14 الف مره وحده ؟؟؟@

السلام عليكم ورحمة الله وبركاته..

بنات والله العظيم..مادري وشلون بكتب الموضوع..

شي يضيق الصدر..

ابي منكم اول شي الدعاء لأبوي..

ثم الدعاء على المجرم..


يوم اعلنوا عن رمضان يوم الجمعه بعد صلاة المغرب..
راح ابوي للعثيم اللي في المروج يتقضى باقي اغراض رمضان..(كالعاده مايتقضاها الا اذا اعلنوا )

المهم..

الوالد ( الله يطول بعمره ) جالس يحمل في العربيه.. يوم جاء يحاسب... بيطلع المحفظه... مالقاها؟؟

تخيلوا ..

المحفظه فيها الفين ريال سعودي..

وابوي حاط مع بطاقة الصراف الرقم بطريقة غير مباشرة .. يعني كاتب تاريخ وبعد التاريخ 14 ومدري كم اللي هو رقم البطاقة حقت الصراف ..

دق على اخوي قال جب لي فلوس لان الكاشير سجل كل شي وعلى ماوصل اخوي..

دقوا شباب على ابوي وعطوه اسمه (طبعا محفظة الوالد محفور عليها اسمه ورقمه) وقالوا لقيناها مرمية عند مدخل سوق غرناطه ؟؟؟

غرناطه؟؟ وش جابها هناك ؟؟

طبعا على ماخذنا رقم الحساب ووقفناها..

الا الساعه 12 الا ربع ..

يعني يمكن امداه يسحب خمس الاف غير الألفين ..

طبعا مانقدر نتأكد كم سحب لأن الجمعه اجازه... والسبت اليوم الوطني ؟؟

المصيبه...

اليوم لما راح ابوي يراجع البنك..

عطوه كشف حساب ..

تتوقعون النذل وش مسوي ؟؟

ساحب خمس الااااااااااااف كاش ؟؟

ورايح لكارفور وشاري بقيمة سبع الااااااااااااااااف وزياده بالشبكة السعودية ؟؟بعد ماسوى كشف حساب..وسحب الباقي..

غير الألفييييييييين اللي بالمحفظه ؟؟


يعني 14 الف وزياده انسحبت باقل من ساعتين ؟؟


المشكلة ابوي مرة ضايق صدره..

لأن الرصيد كامل سحب .. ولايم نفسه لانه تارك الرقم مع البطاقه ..

وحنا نهون عليه.. نقول احمد ربك ان مافيه فيزا..

والحمد لله بالفوس وصخ دنيا..

مو فيك..

بس ولو مبلغ مو سهل..

والمشكلة الحرامي ..

ليلة رمضااااااااااااااااااااااااااااااان؟؟
ومحترف سرقه؟؟
وشلون فكر بالمشتريات ؟؟


لكن مااقول الا حسبي الله عليه...

والله يجعله مايتهنى فيها...

ويارب تبلاه بمرض.. يتعالج منه بفلوس ابوي ولا يطيب من هالمرض..


بنات..

والله ماكتبت الموضوع الا من حرة فيني.. اذا شفت ابوي..

وانتبهوا..

ترى الدنيا مافيها امان..

يعني ليلة رمضان ماتوقع احد يسرق...