مادري وش اللي طلع من زوجي بعد الرقيه شي غريب.

الأسرة والمجتمع

السلام عليكم خواتي انا زوجي يرقي نفسه من شهر اغلب الاحيان عند شيخ واحيان يسمع تسجيل الرقيه واحيانا يقرا على نفسه لانه من يوم تزوجنا وهو يحس باعراض ضيق وطفش واذاشافني قدامه ماوده يكلمني واذا طلع برا يقول اشتاقلك ودي اجلس معك وفي يوم طلع بسيارته مسافر ومشغل القران سوره البقرة وصارعنده ضيق تنفس وبعدين وقف واستفرغ ماء ومعاه يقول زي شكل العين لونها ابيض صغيره وحس براحه واستمر مشغل القران وماحس بحالات الضيق اللي تجيه كل مااسمع القران علما ان الراقي قاله انت فيك عين فالي عندها خبره بهالاشيا اوسمعت من احد موثوق وش اللي بزوجي عين ولا سحر وشكرا.
11
2K

يلزم عليك تسجيل الدخول أولًا لكتابة تعليق.

تسجيل دخول

* الـــذكـيـة *
الحمدلله :)

اكيد هذي عين وطلعت منة
شمعة الوادي
شمعة الوادي
الحمدلله هذا اكيد نفس وطلعت منه بس خليه يدوام علي قراءة القران ويقراء سوره البقره باستمرار وانتي شغلي القران في بيتك وتحصني والله يشافيك انتي وزوجك
سينابون2
سينابون2
اعتقد حبيبتي انه سحر والله اعلم
لان السحر ياما ينشرب او ينوكل وهو ماهو داري وفيه احد يبي يضره والله اعلم
اما العين فهي حسد او عين من شيطان فهي تصيبه بدون انه يكون لها شي ملموس
والله اعلم .....
فال خير
فال خير
الحمد لله ..إن شاء الله شر راح عنه
وحده مووووت
وحده مووووت
حبيبتي يمكن هذا اللي طلع سحر ياريته اخذه واحرقه ...

انا من فتره قريبه جاتني عين ومن اعراضها ضيق شديد اذا قرأت سورة البقره وحراره بالاطراف ويأس من الحياة وكرهت زوجي بشكل فظيع وكرهت البيت وكل حياتي .. وصرت ابكي كل يوم بدون سبب..وبعدين شفت رؤيا وشفت صاحبة العين تناظرني وحنا بمكان موحش ..

ورحت واخذت من اثر من عند بيتهم مسحه من عتبة الباب وخفيت واستمرت معي اعراض خفيفه واخذت منها شخصيا وبقدرة الله شفيت تماما ماشاء الله ...

والحمد لله ..