ارقي نفسك وحصنيها
انا عانيت مثلك مع بنتي كان عمرها3سنين وتعاملي معها بكل حنية ورقي واقناع ومسايسة لدرجة ان بنتي الحمدلله ماكانت زي الاطفال اللي يعاندون بالعكس مطيعه لي بشكل غير عن الاطفال اللي حولي
وكل من حولي يستغربون من طول بالي عليها
وفجأة انقلبت أضربها كفوف من قوتها تطيحها وهي واقفة امسك بشعرها ياعمري عليها اضرب براسها في الجدار
اشوف الرعب في عيونها ولا ارحمها كأن راكبني شيطان وبعد فترة يوجعني قلبي عليها
ولكن ادنى حركة منها اصير وحش عليها مع انها اسم الله عليها هااادية ومؤدبة


شكيت في نفسي وحالتي اللي موطبيعية اقسم بالله ان وقتها احس نفسي شيطان ابغى انتقم منها وفي اثناء ضربي لها اعرف اني قاعدة اعذب مو اادب واجاهد نفسي اوقف عن ضربها بس ماااااااقدر والمشكلة انو والله العظيم على شيء مايستااااااااهل

راحت الحالة والحمدلله خفت بعد مااخذت من اثر ناس ولكن مازال هناك بعض الاثار اللي ترجع بين فترة وفترة والله يعييييييييييين


وكل ماتذكرت اللي صار لحبيبتي مني تدمع عيوني عليها

حطي في بالك حتى لو ماحبيتها ظلم لا اعتداء بالضرب لا تحقير لا إذا ماقدرتي تحسنين فلا اقل من أن لا تسيئين
جعلها الله وإخوانها قرة عينك
وبقول لك شيء بعد قراءة القران والدعاء تري الإنسان يتأثر بما يقراء ويسمع ويشاهد حاولي دائما أن تقرئي قصص عن حنان ألام وتضحياتها مع كثرة القرأه والاستماع لكلام الحكماء بيتأثر سلوكك وبتحبين تكونين زي كل الحنونات والبارات بعيالهم لان البر لازم يكون متابادل بين الآباء والأبناء وفي نفس الوقت ابعدي عن الاستماع عن اي وحده تتصرف بقسوه مع ابنائها وتبرر قسوتها وتسولف عنها كأنها أمر عادي مع مرور الوقت الكلام السيئ والتصرفات القاسية تصبح عدوى لان الوحدة ماعاد بتحس باي ذنب لأنها سمعت أم فلان وأم فلان الثانية والثالثة يقسون على عيالهم او واحد منهم والحياة معهم ماشيه وتصير تبرر عنفها حتى هي وتقول في نفسها مو انا لوحدي اللي أتصرف كذا غيري كثير
الأطفال صفحات بيضاء تكتبين عليها بس إذا كبروا بيقرئون كل شيء كتبتيه

الله يكون بعونك ممكن سبب نفسي ماتدري في يعني سبحان الله
الله يكون بعونك

حبيبتي ..والله كلنا عيالنا غاثيننا ..واوقات استغفر الله اتمني اني مااحملت ولا جبت اولاد ..
لاكن هادا قدر ربنا ومانقول غير الحمدلله ..نخاف نتاافف الحين وبكره لاقدر الله نفقدهم حنبكي دم بدل الدموع ..
وشووفي الناس الي ماعندهم اطفال كثيرين ربنا يرزقهم ويفرح قلوبهم يارب ..كيف يتمنو الطفل..واحنا الحمدلله ربي منعم علينا..
عشان كدا ..انا انصحك وانصح نفسي وكل ام بالدعاء لابناها بالهدايه وانو ربي يالف بين قلبها وقلب اولادها ويسخرهم لبعض ..ويحميهم من كل شر..ويبعد عنهم اصحاب السوء...

لا حول ولاقوه الابالله