السلام عليكم
أنا على قدر من الالتزام والحمدلله ..كنت قبل أحسن من كذا (من ناحية الدين قصدي) قبل كم سنة كان التزامي أقوى .. وكنت أحرص على الخير من هلحين .. الآن الحمدلله فيني التزام بس مو راضية عن نفسي نهااائي والله يغفر لي ويرحمني بسسس ...
أبدخل بالسالفه بعد هالمقدمه الصغيرة :
أنا أحاول أرجع لسابق عهدي بمحافظتي ع الخير بس كل ماأرجع يجيني ضيقة صدر وتعب نفسي قوي , يعني الآن بديت من أول الاجازة أحفظ سورة البقرة وكنت قبل حافظتها بس نسيتها :(
الآن أحاول أحفظ بس أول ماحسيت نفسي أحسن وبديت أرجع لسابق عهدي وأرجع للقرآن جتني كتمة وضيقه وصرت عصبيه ولا أطيق نفسي .. وهذي بعد مو أول مرة .. من زمان وأنا متغيرة أحوالي ..الآن حتى الصلاة أصلي متضايقه سألت شيخ قبل كم سنة قال احتمال فيك عين قويه ع التزامك ..حالتي سكون ماكأني بالحياة متبلدة المشاعر مافي شي يهزني أبببد .. ويوم يأنبني ضميري وأحسني مقصرة بحق ربي وأحاول أقرأ قرآن أحس نفسي مخنوقه وأتضايق بقوووة وأكره كل من هم حواليني ..وأكبر ضحية أمي ماأبي أسمع صوتها ولاأشوفها مع إني مالي غيرها بالدنيا بس مقدر غصب عني أكره الحياة ..أجبر نفسي ع الصلاة والقرآن بس أتعععبببب وصلاة الليل مقدر أصليها زين يعني أول ماأقول الله أكبر يجيني نووووم مو طبيعي وأعجز أفهم ولاآية وخمووول وكسل لين أسلم خلاص أذن الفجر أنشط ولا أقدر أنام إلا بعد ساعتين أو3,, نومي قليل ولاأنام بسهوووله حرارة بجسمي كله كأنها نار شابة بظهري خاصه ..أنا عارفه إنها نفس بس مقدر أرقي نفسي ماأتحمل القرآن أنكتم ولاقلت لأحد غيركم ..أمي ماتدري شفيني تشوف نفسيتي ووجهي باين علي متضايقه وتحسب منها وأنا ملي نفس أشرح لها إني تعبانة ولو قلت ماراح تفهم ..أمي تعبانة وكبيرة وألي فيها مكفيها ولا لها خاطر بهالسوالف ..
مادري شسوي .. لو تحسون وشلون أعاني رحمتوني حتى الدعاء مقدر أدعي أول ماأرفع كفوفي لله يتلعثم لساني ولاأقول ولا كلمة ماقدر ..وبالفترة الأخيرة نوووم يكبس علي وقت الصلاة بس ,, يعني أحسني محرومة المشكله الناس وزميلاتي الكل حاسدني على التزامي يقولون غروب دينة ياحظها ومن هالكلام وأنا أتعب أكثر من كلامهم أقول لاتمدحوني اسكتوا يقولون ماشاء الله عليك ماتبغين المدح ...الخ وأنا أبي بس أكفخهم بأكبر :024: ماعندي بصدق كلامهم ينرفزني وأحسني منافقه وهم مايدرون يحسبوني مابي مدحهم .. يااااااااااااارب ارحمني بس ....
موضوعي مجرد شي في الخاطر قلته ألي تقدر تفيدني الله يجزاها خير ويسعدها وألي ماعندها إلا تمهزي وكلام جارح تكفى لاترد والله إني ماني طايقه نفسي ..
أسعد الرحمن أيامكم بالطاعات
غروووب 2 @ghrooob_2_1
محررة
يلزم عليك تسجيل الدخول أولًا لكتابة تعليق.
عاشق الكعبه
•
**** يرفع عنك يارب ويشفيك
الصفحة الأخيرة