ماذا أفعل هل أترك الكلية ؟؟؟أرجوكم انصحوني

غاليتي واختي في الله عبير الورووووود
انت بنت حساسة طيبة وشطورة...
وكونج حملت مواد أو سقطتي فيها مب نهاية العالم... بالعكس
لازم يكون هذا دافع قوي حقج علشان تضاعفين مجهودج في الدراسة...
وانشالله الله بيوفقج... آمين يا رب العالمين

أما بالنسبه حق ربيعاتج ... أو بالأحرى البنات إللي قلتيلنا عنهم؟؟؟
فأنا مستغربه من تصرفها؟؟؟
ليش تغيروا عليج...؟؟؟ علشان حملتي موااااد؟؟؟؟ شو يعني...؟؟؟
المفروض لو هم يستاهلون كلمة ربيعات صدق... يوقفون معاج... ويساندونج؟؟
ويحاولون بأي طريقة يخففون عنج ويساعدونج في النجاح؟؟؟
بس قولي دايما الحمدلله ... (وعسى أن تكرهوا شيئاً وهو خير لكم)
يمكن ربج كان يريد بهذا الرسوب يراويج حقيقتهم

ترى الإنسان ما يعرف صاحبة إلا وقت الشدة
ولا وقت الرخا ترى الأصحاب كثار وصدق الشاعر يوم قال...
وما أكثر الخلان حين تعدهم... ولكنهم في النائبات قليل

قولي الحمدلله ... واصرفي نظر عن هالأمور السطحية وركزي على الأهم...
ضاعفي مجهودج... وأنا أوعدج لو إحتجتي أي مساعده في الدراسة إني ما بقصر وياج بس طرشيلي رساله على الخاص أو بأي طريقة
وإنشالله بساعدج في أي شي تكونين مب فاهمتنه أو محتاجة حد يساعدج فيه ولا يهمج

إنت بس توكلي على الله وخلي رسوبج في المواد ... دافع قوي لنجاحج فيهم وفي غيرهم...
ولا تفكرين في تصرفات البنات... ترى الإنسان ما يعرف شو يدور في بال كل شخص...

وإذا كان الموضوع وااايد هامنج... كلميهم؟؟؟...
قوليلهم شو السالفة؟؟ وليش تغيرتوا علي؟؟؟؟
يمكن لهم وجهة نظر إنتي ما تعرفينها ... ولو سمعتيها تعذرينهم... يمكن....؟؟ الله أعلم

علشان جذي ما أريدج أبداً إتفكرين في ترك الكلية... لأنها مستقبلج... وإنتي قادرة على النجاح... وشاطرة ماشاءالله عليج...

ونصيحة من أخت محبة في الله ...
تحصني ... دائماً إقري على عمرج....
يعني الغريبة إنج كنت تشرحيلهم الأشياء غللي مب فاهمينها... وتحملين مواااااد...؟؟؟

يمكن عين...
إقري على عمرج... ترى العين حق...
ومرة ثانية مافي داعي تروحين قبل الإمتحان بفترة... خلج قريبة بس لا تدخلين إلا في وقت الإمتحان علشان محد يسألج ...

والله يوفقج يالغالية

وأعيد أقولج أي مساعدة أنا حاضرة... إنتي بس آمري... يا شطورة
إنشالله هالسنه كل تقاديرج إمتياز... آمين يا رب العالمين

الله يهديك لاتكونين معقده من اول حياتك ..
ماأنتي اول ولا أخر وحده تحمل مواد ..خليك متفائله ،وانشاء الله انها سنين وتعدي وتبقى الذكريات الحلوه اما المؤلمه فبتروح مع الياح ..
اسأليني الله يسقي ايام الكليه ..بعدين حرام تضيعين تعب السنين الي فاتت ..
جربي حظك المره هاذي وذاكري وتوكلي على الله ولا تنسين الدعاء أيام الإمتحانات والأذكار
ونصيحه ذاكري لوحدك ولا تضهرين اهتمامك بالمواد خليك سطحيه حتى تتخرجين :icon28: ونقول انشاء الله ألف مبروووووووووووووووووووووووووووك ..

شوفي عزيزتي لازم حملك للمواد يعطيك دافع انك تكفي تعليمك وتنجحي وما يهمك امر صاحباتك ولا عد تذاكري مع احد حطي حالك وقعدي لوحدك وادرسي وبالعكس اذا تركتي الكليه رح تشمتو اصحابك فيك اكتر كوني قويه وسطحيه مع الكل وارفعي راس ابوك ولايهمك امر حدا غير نفسك وين بتلاقي في مصلحه الك توكلي وسيري وراها
والله يوفقك يا عزيزتي ويكتبلك كل خير

انا صار لي مثلك ياقلبي بعد مارسبت في بعض المواد وانا والله انسانه مجتهدة لاكن حمدت ربي اني عرفت كل وحده على حقيقتها وانهم راعيات مصالح لاني كنت تربيه فنيه وكل وحده تتقرب للثانيه عشان تستفيد
والحمدلله بعد شهور اكتشفو انهم غلطانين في النتايج بعد ماتبين لي كل وحده زيييين

انت ليش سطحيه كذا ومصدقه ان هالبنات يسمون صديقات اللحين طلع معدنهم ليه هم مصادقينك والا مصادقين معدلك وشهادتك وليش اخلي بنات تافهات يعيقون مستقبلي والرسوب عيب والا حرام علشان اكنسل الدراسه قبل كل شي ادرسي لطلب العلم اللي امرنا به الله وبعدين دوري صديقات عقولهم على قد اعمارهم مو اطفال ابتدائي يصادقون الاولى وبنت المديره وبس!!!