ماذا استفدت من تاخير الزواج او الوظيفه او الانجاب

بسم الله الرحمن الرحيم
الحمد لله رب العالمين والصلاة والسلام على النبي الكريم
في البدايه انا مااعرف اذا كان هذا المكان المناسب للموضوع
الموضوع مثل ماقريتي العنوان ماذا استفدت من تاخير الزواج او الوظيفه او الانجاب وغيرها ادري بعضكم بتقول مااستفدت شيء وانا عايشه بقهر وضيم وحالتي حاله وهذا صحيح وفي بعضنا في هم وغم لايعلمه الا الله لكن لاتنسين ان الله اذا احب عبدا ابتلاه
بس انا بقولكم وش استفدت مع اني اتمنى الزواج والوظيفه واتمنى كل وحده تدخل الموضوع تقول رايه سواء سلبي او ايجابي او ترفع الموضوع عشان الكل يستفيد
انا طبعا من اللي تاخر زواجهم يعني شارفت على الثلاثين ولاتوظفت بعد تخرجي من الجامعه قعدت كم سنه في البيت ماكنت اهتم بهالموضوع وطبعا ماكنت اقرا القران كثير يعني مثل كل هالناس بس في رمضان ويوم الجمعه صحيح اصلي واصوم يعني قايمه بفروضي وبعد كم سنه ولما سمعت عن الطرق لتيسير الزواج بديت اقرا سورة البقره يومي وادعي واستغفر واصلي في الليل وادعي ربي ييسر امري وامر جميع المسلمات
الشيء الثاني انا امي كبيره في السن ومريضه حسيت ان هذا التاخير خلاني ابر بامي يعني اساعدها واروح واجي معها في مواعيد المستشفيات لانها تراجع كذا عياده وترقدت كذا مره ولما اشوف حرمه كبيره جايه لحاله وماتدري وين تروح ويالله تمشي اقول الحمدلله اني عند امي واتسائل بعد زواجي وشبتسوي امي لحاله واتمنى يكون نصيبي في نفس ديرة اهلي عشان بس ماتتعذب امي
الفائده
1- اني على ثقه ان في تاخير زواجي وعملي خير لااعلمه فالحمدلله والشكر له وان ربي سيعوضني خيرااكثر مما اتمنى وان ذلك قريب
2- اصبحت اكثر قربا لله فلا الجأ لاحد غيره فاليه اشكو همي وحزني وانا علي يقين بانه ارحم بي من امي وابي وهو القادر على كل شيء وانني امتثلت لامره بالدعاء وانتظر اجابته
3- كنت عونا وسندا لامي الكبيره وهي تدعيلي ليل ونهار
في النهايه ادعو الله ان ييسر امرنا ويفرج همومنا ويعوضنا عن كل تاخير خيرا