السلام عليكم ورحمة الله وبركاته ..
تكبر الفتاة وتكبر ..
ثم تكبر ..
وبعد ذلك أيضاً تكبر << علّقت
حتى تصل إلى مرحلة الزواج ..
ويطقُّ ابن الحلال الباب << اييييييييه صدق لا قالوا نربي وغيرنا اللي يتهنّى
ثم يبدا أبو الفتاة الموقّر بالسؤال عن الرجل ..
فان طلع رجل تكانه وعليه العلم وافق الشايب
والا بكل بساطه قال له ( بين البايع والمشتري يفتح الله
) ..فان وافق الأب – أو الشايب كما في الرواية السابقه – ووافقت البنت بدأت تتخبّل وتزرّق وتحمّر << وقت الشوفه طبعاً ههههههه ..
فان تشاوفوا ووافق كل الطرفان ..
أصبحت الخطبة ثم الملكة وحُدّد موعد العرس ..
وما أن تستلم البنت المهر حتى تطيح رجلينها من الدوران بهالأسواق ..
والأهل يا عمري بساقته ..
احم كح خلوني أخلّص من هالمقدمه اللي ابتلشت فيها وأروح الموضوع اللي باوصل له << كان ما صجيتيناا من البدايه
سالفتنا يا طويلين العمر صديقات العروسه ..
لا أحد يقول وش دخلهم تكفون ..
صديقات العروسه أهم شيء بموضوعي ذا كله << أصلاً ماسويت الموضوع الا عشانهم ..
افهمكم ..
صديقات العروسه أكيد بيهدون العروسه هديه تعبيراً لهم عن فرحتهم بها وحتى تبقى للذكرى .. ومن باب (تهادوا تحابوا) ..
وكل هذا شيء حلو وجميلن قداً .. لكن وش المشكله ؟؟!
المشكله يا طويلين العمر ومن واقع تجربه << طايحتن بزنقه ..
هو : ماذا يهدون لها ؟؟!
ذهب << لاتفكرون غالي مرّه بهالفتره ولو نشتري طقم عادي طلع لنا بملغ وقدره ..
عطور << هي أكيد شاريتن منهن لين ماقالت بس << ومن زود سناعتنا مغششينه بأسماء عطور بعد ..
مجموعة من زهور الريف << على قولتهم ما يخلى منها أي حمام دحين << يعني ماله داعي نهدي له وأكيد هي بتشري ..
أرواب حمام + ####
#### << مايصحش وعيب دنتوا بنات لساتكو ..مفرش << بعضهم قال عيب ونفس الأسباب السابقه وبعضهم قال نبي شيء أحلى ..
ساعه << حركة قديمه وكلن يسوّيه وأكيد لزمن حتمن بتاتا رجلها بيهدي لها ساعه بالفتره الملكويه هذي ..
فييييييييييييييييييييييييا أهل منتداي الغالي .. ماهي الهدايا التي تنصحوننا بها ؟؟!
نبي شيء حلو وزين ويجنن وتستفيد منه وغريب بنفس الوقت ..
و بكل بساطه نبيه يعجبها بقووووه وتستانس منه ..
حنّا تقريباً عشر بنات ..
كنّا بنهديها هديه جماعيه وفخمه << يعني تناسب انها مهداه من عشره ( عليها القيمه باختصار ) ..
لكن ما لقينا هديه بذيك الفخمه الا الذهب وبصراحه بهالوقت ومع ارتفاع الأسعار خسارة اللي يشتري ..
فقلنا بنقسم أنفسنا لــ 5 .. كل بنتين بهديه .. ويهدونها على ذوقهم ..
وبحيث بعد تتعدد الهدايا وتستفيد ..
لكن بقى السؤال الأصعب ألا وهو: مالذي نشتريييييييييييييييييه ؟؟!
كل الهدايا اللي قلتها ما دخلت مزاجنا ..
فنبي الله يخليكم ولبيت مكه يوديكم شيء جديد :)
عطونا اقتراحاتكم بخصوص الهدايا << ولاحظوا أننا نبي خمس غير بعض ..
ومافيه مشكله لو قلتوا لنا اسم شيء حلو مثلاً والمحل اللي ينباع منه ووصفه ..
هذا وجزاكم الله ألف خير على تفريجكم كربتنا ..
ترى موضوعي متعوب عليه والله << يجي خمس مرات اللي يمعطون اخواني السلك برجلينهم وهم يمشون وينطفي الكمبيوتر ويضيع كل خرطي فما تزعّلونيش أنتو كمان متل اخواني ..
ملحوظه : عنوان الموضوع للجذب :hahaha: << يقالّي أعرف افكّر :eek:
رزقني الله واياكم جنات عدن وأسقانا من نهر الكوثر شربة لا نظمأ منها أبدا ..
تحياتي ..
ههههه ضحكتيني والله .. ماشاء الله عليج دمج خفيف..
حبيبتي انا من رايي انه احسن هدية للعروس هو الذهب .. صح انه غالي بس بيتم معاها طول العمر..
ويقدرون صديقات العروس يجمعون مبلغ ويتشاركون في شراء طقم او خاتم او غيره ..
لانه مثل ماذكرتي العطور والملابس وكل هذي الشغلات بتروووح الا الذهب ف يتم ..
انا اشوف انه المجوهرات والذهب احلى وافخم هدية
وبالتوفيق