ماذا تتحدثين مع طفلك ليتعلم( اعطونا من خبراتكن )

هلا أختي.. بالفعل الياهل مثل البغبغاء كل ماكررتي عليه الكلام يحفظ..

حاولي مثلا قبل الأكل قوليله بسم الله وبالنهاية مثل ماقلتي الحمدلله وقوليله لازم نقول هالشي..

مثلا قبل النوم قوليله يقول بسم الله الرحمن الرحيم عشان الله يحبه.. وبعدين تصبح على خير..

واذا شاف وايد أشياء مثلا سيارات أو أطفال وايد.. خليه يقول ماشالله.. عشان يترسخ الكلام بذهنه..

وصدقيني كل ماكررتي الشي. بيتعلم الطفل.. ولدي من كثر ماقوله الحمدلله بعد مايعطس ألحين حتى لو هو نايم وعطس قال الحمدلله بصوت عالي بعد.. يعني بالاعادة افادة..

وننتظر باقي تجارب الخوات..

جزاك الله خيرا أختي المسافرة على تفاعلك :26:
حلوة انه يحمد الله لما يعطس حتى وهو نائم
تمنى من الأخوات الأفادة عن ما هية غرس العادات الحسنة وماذا نقول لهم عن موقف معين ليتعلم منه

السلام عليكم :27: انا ولدى اول ما يدخل البيت علمته يقول بسم الله والسلام عليكم :24:

انا علمت بنوتاتي البسملة والحمد بس ابي اكثر
ماادري بس نفسي اربي فيهن الثقة بالنفس وسرعة التصرف لاني اشوفهن مايعرفن يتصرفن بالمواقف اللي تحصل لهن مثلا احد اخذ لعبتهن مايعرفن يدافعن عن انفسهن
في الملاهي مثلا الاطفال يلعبون هن خايفات مترددات اتركهم يلعبون على طول يدورون علي
مع اني اشوف اطفال ماشاء الله عليهم ماعليهم من احد يصرخون ويركضون ويروحون للبقالة لوحدهم بناتي
ولاشي من هذا
ارجو اللي عندها خبرة بالشي هذا تقولي كيف انمي الثقة عندهن وجزاها الله الف خير اللي تدلني
:26: :26: :26: :26: :26:

هلا خواتي..

بنت العطاوي.. أولا الله يخليلج بناتج ان شالله..

ثانيا.. حاولي اذا سرتي مكان انج توزعينهم.. قوليلهم سيروا مثلا اشتروا جيبس.. أو بوب كورن أو أي شي..
خليهم يطلعون ويا خواتج أو أي حد من العايلة يعني يبتعدون عنج شوي..
اذا سرتي مكان انعزلي عنهم.. وقوليلهم اذا تبقون تلعبون سيروا.. والا أنا مابسير وياكم..

يعني من هالشغلات اللي تخلينهم فيها يعتمدون على نفسهم.. وبالتوفيق ان شالله..