اللون البيج : او الكاراميل او الجملي لون هادئ كلاسيكي يتميز بطابع الرحابه والضيافه .كما انه دافئ لانه يندرج من درجات الالوان الحاره .
كما قلنا ان البيج يندرج من درجات الألوان الحاره مثل البني ايضا ..
ولمن لا يعرف ما هي الالوان الحاره والبارده ..هذا الشكل يوضح ذلك ..الالوان الحاره فوق والبارده تحت ..
اللون البيج جدا رائع مع المساحات المفتوحه ويعتبر لون أساسي لدى مهندسين الديكور الداخلي .فهو يعطي مساحه واسعه للمكان ويتماشي بكل سهوله مع كل الالوان في حالة دمجه .
اذا كانت بالفعل غرفتك بيج واردتي اضافه لمسات تجديده ..يمكنك بكل سهول اضافه للبيج درجات اخرى غامقه او افتح من الصبغ الاصلي بشكل نقوش او طباعه او خطوط طوليه او عرضيه سيتغير شكل المكان تماما ..
والبيج ليس للجدران فقط فهو ممتاز للاسقف
وللبيج مسميات ودرجات مختلفه تختلف من شركه لأخرى ..واقصد بالشركه هنا هي شركة الاصباغ مثل جوتن والجزيره وهمبل وغيرها .
عند اختيار اللون البيج كصبغ :
اول شيء تروحون مكان بطاقات اللونم الموجوده في المكتب او شركة الدهان مثل جوتن راح تلاقون مثل هذه
اختاروا الدرجه اللي تبونها وبعدين خذوا الدرجه اللي اغمق منها (وهنا يكمن السر ) يعني انتي اخترتي الدرجه اللي تبينها لجدارج وبعدين تروحين للدرجه الاغمق منها وتاخذينها لانها بتكون هي الدرجه المطلوبه ..بتقولون كيف بقولكم هذه نصيحه اخذتها من خبير واعتمدها وكانت فعلا ممتازه لان اللون تختلف درجته من البطاقه ومن على الجدار تضرب على افتح ...طبعا لا اطبقون هالشيء في الالوان الغامقه لانكم لازم تسوون العكس تاخذون الدرجه الافتح .
واضغطوا هنا للدخول الى موقع جوتن واللون اللي بيعجبكم اشروا عليه وبيظهر لكم اللون واسمه ورقمه ..
هنا
