ماذا تعرفين عن منتجات هذه الشركة ؟
لم يتركوا شيئا
سوينا دعاية لـ playboy
بس ما يمنع إننا نسوي دعاية لهم وننشر منتوجاتهم ...!
قصة فتاة
قبل سنه تقريباً
شفت لي ساعة كيووووووت وخقيت عليها بشكل مو طبيعي
تقريباً نفس هالساعة لكن الي شفتها كانت احلى بكثييير كانوا الارانب الي فيها لونهم وردي
بس المشكله انها كانت غاليه قعدت اقلبها براسي , مره يمين ومره يسار , اشتريها ولا ما اشتريها
المهم بالنهاية قررت اني اشتريها واللي فيها فيها ,, ادري انو بتجيني زفه من امي بسبب سعرها بس اجرب حظي
فتحت الكتالوج ع الصفحه الي ابيها واوريها امي ,, يمه ابشتري هذي
امي : يالله بس مالقيتي إلا هذي !!!
انا بصراحه استغربت وتنــحت بالعاده تقول بكيفك !! وبعدين امي لا شافت السعر ولا حتى شافت شكــل الساعه وهاوشتني
امي : هذا شعار playboy وش تبين فيهم !؟
انا : واذا بلاي بوي
امي : وقالت لي وش هم البلاي بوي .. كذا وكذا وكذا !!!
وبكذا ما شريت الساعه , ومن العام الى الان وكلما شفت هالشعار وانا اشوفه شيء جديد مع اني كنت دايم اشوفه من قبل كأرنب وليس شعار !!!
ماذا تعني البلاي بوي playboy ؟
پلاي بوي أو الفتى اللعوب , مجلة إباحية أمريكية أسسها هيو هيفنر Hugh Hefner
صدر العدد الأول منها في عام 1953م
و تعتبر من أكبر المجلات الإباحية توزيعا في العالم
وتصدر الآن في اكثر من دولة ..!
والنسبة الأكبر لمبيعاتها هي للترويج عن نواديها والأفلام الجنسية بشكل رسمي وتبيع منتجاتها لدعم نشاطها الأساسي
ماهو شعار هذه الشركة ؟
مشهد مؤلم
تستكمل الفتاة قصتها
قبل عدة أيام ظهر على التلفاز برنامج الكاميرا الخفية
وظهر أحد الشباب اللي كان فريق العمل للبرنامج لاعب عليه يرتدي كاب playboy
طرى على بالي سولافه بين أمي وخالتي لما شاورتها على الساعة , تقول خالتي إن الإماراتيين والقطريين منتشرة عندهم بضائع playboy
وإن الشعب مسوي إحتجاجات على هذي البضايع !
بصراحه كسر خاطري الشاب اللي كان لابس الكاب , إما إنه ما يدري وشو يقصد هالشعار ويحسبه صورة عادية أو إنه يعرف المعنى والمقصد من الشعار بس إنه داج ومريض
هل وصلت منتجات هذه الشركة إلى المملكة العربية السعودية ؟
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x308.
صاحب الصور يقول إنه وجد منتجات هذه الشركة بإحدى المحلات في الرياض
وأنها تباع بسعرها الاصلي أي أن الحزام بحوالي 500 ريال !
صوت العقل الراجح
بصراحة الآن لا الشركة ولا نواياها تهم
لأنها شيء منهم وفيهم لوحدهم
وحتى لو شاهدت منتجات لشركات أخرى حاول أن تتجنب الشعارات الغريبة
فربما تكون لشركات اخرى أردى من هذه الماركة !
لكن الآن بعد أن عرفنا أنها رمز لأكبر شركة دعارة بالعالم ونشاهد أناس مسلمين يلبسونها ويستخدمونها
فهذا شيء يجب ألا نرضاه ونسكت عنه ..!
ماذا لو سافرت للخارج ولبست شيء فيه شعار playboy
تخيل الأجانب ماذا سيقولون وكيف سيتصرفون معك !؟
الأسباب معروفة فأنت تلبس الشعار وتؤيده حتى وان كنت لا تعلم ..!
وحتى لو لم تسافر للخارج يكفيك الأجانب الموجودين هنا
وأيضا ليس شرطا أن يكونوا أجانب .. ماذا سيقولون عنك أبناء بلدك الذين يعرفون حقيقة هذه الشركة ..!
ولنفترض أن إحدى البنات ذهبت للسوق وكانت تحمل شنطة فيها شعار playboy
وهي لا تعرف معنى الشعار وفي الأصل هي لا تعلم أن هذا شعار لشيء المهم أن الأرنب أعجبها وقامت بشرائه
ويأتيها واحد يعرف الشعار ومعناه , ينظر إليها الشاب ويدور برأسه .. البنت مسترة ومحترمة نفسها
يأتيه الشيطان
( أي مسترة يا شيخ وهي تحمل هالشعار ) ...!
والناس أغلب ظنها على الشيء السيء للأسف
×*×خــــتـــامــــاً×*×
ختاماً
بنوتات كم وحدة فينا تلبس هياكل عظمية وجماجم و إكسسوارات تحتوي على رموز غريبة !؟
صحيح حرية شخصية , وبكيفنا , ونلبس اللي نبغاه , ومحد له دخل فينا !
بس ما نقلد الناس اللي ما تسوى
كثير بنوتات يلبسون هالأشياء وبصراحة يستحقرون أنفسهم يوم يدرون أنها رموز لعبدة الشيطان أو مجلات إباحية أو ...........
لازم نفكر بعقلنا في أي موضة
ومانتبع عواطفنا ونمشي بتقليد أعمى ورى كل من هب ودب
لازم نشوف هالموضة تنفع لنا ولا لا ؟
إيش حكم الشرع فيها ؟
هل تليق بي كمسلمة ؟ متبعة لسنة نبيي محمد عليه أفضل الصلاة والسلام ؟
الآن يجي دوورنا في النصح والتوجيه باللين والموعظة الحسنة
حتى ماننفر الناس مننا
ولنتذكر قول الله تعالى "وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ"
"ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ "
وبناتنا وعيالنا ياغافلين لكم الله