ماذا تعلمين عن جهاز البخار المنزلي

حتى أنا يامناوي حاطه عيني على هذا الجهاز من زمان بس متردده أشتريه أو لأ ....................................................... وياريت يابنات أي وحده جربته تكتب لنا عنه

انا استخدمته...و بصراحه هو ما يضعف..
لكنه يبيض و ينعم...
كنت استخدمه تقريبا كل يوم لمدة نصف ساعه...بس الحين ركنته عند الباب..مليت:32:

هلا والله أختي (عطر البوادي) جان زين البنات يساعدونه وعندنا بالكويت رخيص انا أكثر شي سمعت عنه أنه يبيض


هلا والله أختي (لون المطر) أشلون استخدمتية بالضبط ........ يعني أشلون طريقته كنتي تحطين كريمات ولا بس بخار ؟

أختي مناوي أنا قررت أشتري الجهاز وانشاالله أعلمج عن نتايجه .......................................... والصراحه أنا مره سويت جلسات مساج وكان البخار وايد يفيدني وينقص من وزني وانشاالله الجهاز اللي راح أشتريه يكون نفس مفعول البخار اللي كنت أستخدمه بالمساجات

عندي جهاز السونا من سنتين اول ماشريته كنت استعمله يوميا وعقب مليت منه كنت شاريته عشان اضعف بس مليت منه
صحيح إن سعره رخيص بس يبيله وقت
واستفدت منه من ناحيه تبيض الجسم وتنعيمه اكثر من التخسيس لأنه يفقدج السوائل وبمجرد شربج لكوب الماء يرجع كل السوائل إللي فقدتيها اثناء جلوسج بالسونا

نصيحتي إنتبهوا من إستخدامه لأن آخر مره جربته وقعدت فيه تقريبا ساعه إلا ربع ودوخت وسبب لي هبوط وفقدت وعيي والسبب لأن دمي ضعيف وثاني شي لأن معدتي كانت خاليه فاانتبهوا لهذي النقطه.