meroo2210 @meroo2210

عضوة جديدة

ماذا تفعلى لو كنتى مكانى

السلام عليكم ورحمة الله وبركاته

احترت وفكرت كتير ابتدى ازاى ومنين :confused:

المشكلة بتبتدى كلآتى :

انا ساكنة فى بيت عيلة موجود معايا فى البيت حماى وحماتى وثلاثة من اخوان زوجى وزوجاتهم

المشكلة تكمن فى السلايف يعنى زوجات اخوان زوجى

بحكم ان هناك فارق اجتماعى وتعليمى وتربوى كبير بينى وبينهم الا انى لم اضع هذا فى طريقى عند تعاملى معهم فالحمد لله
لدى القدرة على التعامل مع الناس بجميع حالتهم واوساطهم فهى هبة من عند الله .

لكن المشكلة انى منذ دخلت والبيت كله اتغير اصبحت موضوعة محل مقارنة فى كل شئ

منهم واحدة دايما تبص لمعاملة زوجى لى وتقارن بين اخوه يعنى زوجها فى المعاملة ليها

موش مشكلة عادى والثانية بصراحة مسكينة ملهاش فى حاجة خالص .

اما الثالثة وهى مشكلة حياتى وكابوسى اليومى شقتها فوق شقتى

بدأت معايا المشاكل من اول اسبوع جواز ليها والله كرهتنى فى البيت كله واصبحت لا اطيق الوجود فى البيت بسببها

المشكلة انها بتقلدنى فى كل حاجة والله كل حاجة لو جبت حاجة تجيب مثلى اى حاجة سجادة فى البيت مثلا موش بس كده دى دايما تقول انا عايزة اجيب كذا زى اللى عند ميرو شقتها بقت شبه شقتى دى موش المشكلة برضه عادى المشكلة انى اكتشفت من فترة انها بتحاول تسببلى مشاكل بين اللى فى البيت وبينى لو نزلت عند حماتى تنزل وتقعد تترصد لاى كلمة اقولها وتقول بعد لما امشى دى بتقولها عليا وينزل جوزها مع الاسف يتكلم باسلوب غير لائق معى وتكررت هذه المشاكل عشرات المرات لو حماتى طلبت منها حاجة تقول اشمعنى ميرو موش بتعمل
مع ان حماتى عمرى ما أخرتلها طلب طلبته منى

لو بنتى الصغيرة قربتلها تقول انى مسلطاها طفلة صغيرة عمرها 5 سنين يا ناس وتشتكى لزوجها وينزل يبهدل البنت ويشتمها لغاية لما تعيط هو فيه كده فى الدنيا

كانت لما انشر تروح تنشر غسيلها مليان ميه وتبهدللى غسيلى ركبت تندة تخيلوا تعملى ايه
تجيب طبق كبير مليان ميه وكوب وتسكب الماء فوق التندة حتى تسرب الماء للغسيل وبرضه بهدلته وتقول اصلى كنت بغسل الحبال ولما اشتكيت لحماتى وكلمتها
كذبت وقالت ان انا وحماتى وقفنا على السلم ونزلنا فيها شتيمة ووكالعادة جه جوزها من بره بالتليفون طبعا ونزل شتيمة فى البيت كله:44:

تخيله المفاجاءة يا جماعة عرفين انا اكبر منها بكام سنة

ب8 سنيين انا عمرى 30 سنة وهى عمرها 22 سنة :huh:

حبست نفسى فى شقتى انا واولادى لدرجة ان حماتى لما تحب تطمن عليا بتتصل بيا بالتليفون واحنا فى بيت واحد

ولما تحب تشوف اولادى انزل اخليها تشوفهم واطلع بيهم تانى اخاف تيجى تشوفنى وتعمل مشكلة من لا شئ

وفعلا حصل اللى خفت منه جيت من بره وكنت جايبة صور جديدة لاولادى وبفرج جدتهم عليها وكانت فى غرفتها والهانم الله يهديها قاعدة بره فدخلت ووريت حماتى الصور راحت طلعت شقتها وقلبت الدنيا وجوزها عليا انا وحماتى وقالت كلام زور مما جعل حماتى تبكى:( وتقسم لابنها انى لم افعل شئ ولا حياة لمن تنادى

وظلت حماتى تدعى عليها طوال الليل .

انا عارفة انى طولت عليكم لكنى موش بس بعرض عليكم مشكلة

انا فضفضت معاكم وخرجت اللى بداخلى

اتمنى ان اللى تقراء المشكلة دى تقوللى اعمل ايه مع الانسانة دى

والله يا جماعة دى بتقلدنى حتى فى طريقة جلوسى هو فيه كده

مع العلم انهم صالحونا على بعض كتير وبرضه ما فيش فايدة

واتجنبتها وبرضه مفيش فايده
حتى فكرت اخيرا فى تغير سكنى للبعد عن المشاكل

اعمل ايه موش قادرة انزل لمستوى سلوكها الغير لائق والا لكنت عاملتها بنفس الاسلوب اللئيم الخبيث:30: .
حقيقى والله انسانة لا تحتمل وهذا رائ الجميع فى البيت ليس رائ وحدى لكنها لا تفعل معهم ما تفعله معى ومملت من الشكوى لوجى لانه لا ذنب له فى هذا النكد اليومى ودايما يطلب منى الصبر

شوفو يا جماعة انا عيايزة حل للمشكلة دى لكن ارجوكم محدش يقولى كلميها موش هقدر خااااااااااااالص موش هقدر:06:

سلام

982

يلزم عليك تسجيل الدخول أولًا لكتابة تعليق.

تسجيل دخول

همسه 2009 • 15 سنة

غيري سكنك حبيبتي احسن حاجه ابعدي عن الشر وغني له خليها تموت قهر الى مالقت حد تخانق معاه هذي الغيره تسوي كذا واكثر

الاميره ندى • 15 سنة

السلام عليكم ..

حبيبتي من قلد لك اكد لك ..انتي مميزه وغير عنها وعاقله وبشهادة الجميع..
الشكوى لله ..

يااما تغيرين سكنك ولا تستحملينها

مع انها ماتسوى تغيرين سكنك عشان وحده ماتستاهل

الله يهديها

Ms.Dreams • 15 سنة

يمكن لما تغيري سكنك ترتاحي

و بعدين خليها تقلدك ما قلدتك الا انك مميزة

صمت الليل جارح • 15 سنة

حبيبتي هذا مثل يوم تشوفينها تقلدك يعني هذا اشد انواع الاعجاب يعني انها تغااار منك ونفسها تصير مثلك

انتي خليك ارفع منها لا تنزلين مستوااك لها وحقيقه مافكرتي تقولين لزوجك فهميه السالفه مب لانك تبين تسوي مشكله بالبيت بس قولي له ما اقدر اتحمل خلاص وانتي ماشاء الله عندك عيال يعني من حقك تطلعين ببيت بروحك

والله يوفقك ويفرج لك همك

meroo2210 • 15 سنة

اختى همسه 2009 والله خايفة اغير سكنى الاقيها جت ورايا ههههههههه والله تعملها