ماذا تفعلين اذا اكتشفتي خيانة زوجك؟؟؟؟

السلام عليكم
راح اعطيكم خبرتي بحكم اني اكتويت بنار الخيانة عدة مرات
وارتكبت اخطاء كبيرة بس بحكم الجهل وصغرسني وقلة خبرتي
اولا لاتفتشين جوال زوجك مهما كان واذا قدر الله وجاءت ادلة خيانته
لحد رجولك ذيك الساعة ماالومك
ثانيااكتشفتي خيانته اياك تستمرين بمراقبة رسايله وتفتيش جواله
لانها راح تكون جروح غائرة وماراح يتعب غيرك
ثالثا لاتواجهينه ابدا ابدا لاخريوم بحياتك لانك اذا واجهتيه راح يتصرف بتصرفين
امايعصب عليك ويقلب الدنيا ويتهمك بانك مريضة نفسيا وشكاكة
او يصير وقح وومكن يغازلها قدامك واتذكر وحدة تقول يكلمها وانا جنبه ويضربني
وهي تقول له حرام لاتضربها
خليه يعيش بخوووف من انك تكشفينه
وقولي له لواكتشفت انك تخوني لابيعك واخلعك وعيالك عندك ًواشوف حياتي
بالمزح قوليها له
1راح يخاف وممكن يتراجع
2 راح يفهم ان العيال ماراح يلوون ذراعك
اياك تبينين انك تخافين تفقدين عيالك اياك خلك قوية
رابعا راح تشوفين تغيرات بتصرفاته معك كقسوة او عصبية راح يدور الزلة عليك
اياك تعطينه فرصة عليك لابنفسك لابعيالك لاببيتك
واذا عصب اياك تردين اياك تردين اياك تردين
اسكتي وطنشي كل كلمة
خامسا انتي لازم تبعدين عنه وتطنشينه لاتلاحقينه اسحبي عليه
قومي بواجباتك على اتم وجه وتشاغلي عنه بالاهتمام بنفسك بصحتك دلعي نفسك
قد ماتقدرين خلطات مساج شوكولاه لبس اكل
ابدعي بطبخك بلمساتك ببيتك بطرق تنظيمك
وسعي ثقافتك اقرأي اسمتعي اخلقي لك جو بعيد عنه
قوي علاقاتك بأهلك صديقاتك جاراتك زوري الناس اعزميهم
اكتشفي مواهبك واذا تقدرين تشتغلين اشتغلي
اهم شي لاتجليسن معاه كثير لانه ينفتح المجال للمشاكل
والمشاكل راح تدفعه يتعلق باللي يكلمهااكثر
بيني له انك سعيدة اياك يشوفك تعيسة خليه ينشغل بسررر تغيرك بسر سعادتك
خليك غامضة
اياك تدقين عليه او ترسلين له انت وين انا احبك لا لا لا
ذنشيه نهائيا وراح ينصدم وممكن يعاتبك اذا عاتبك او استفسر
قولي حبيبي كنت مشغولة كنت حاطة شموع وسويت مساج واسترخيت وجوالي عالصامت
دللي نفسك دلعيها انتي تستحقين
خلي لك رأي مو اذا سألك وش تبين عشاء قلتي اي شي على ذوقك
لا اطلبي اللي بخاطرك
لاتراعين ماديته على حساب نفسك اطلبي كل اللي بخاطرك بلين ودلع
واذا مانفذ لاتيأسين كرري الطلب بعد فترة بلين ودلع وبشكل مباشر لاتلمحين الرجال مايفهم التلميح ابدابدا
سادسا ابهريه بالفراش والمساج وطبعا لنفسك قبله
وبيني له انه لنفسك بو بس عشانه تعلمي اوضاع جديدة حركات جريئة
جددي عطورك شكلك ستايلك في الشعرواللبس
سابعا وهي اهمم نقطة تركتها بالاخير ررر ليكون ختامها مسك
كل ماتألمتي وتعبتي قولي حسبي الله ونعم الوكيل
كل ماضاق صدرك اركعي لله ركعتين وابكي بسجودك وادعيه وطلعي كل اللي بقلبك
اكثري الاستغفار واقرأي البقرةيوميا لانها راح تطرد الشياطين وتنزل البركة بنفسك ومالك وزوجك وعيالك وببيتك وبكل شي بحياتك
تصدقي لكي يدفع عنك السوء
واخيرا اصبري ثم اصبري ثم اصبري لاتفتحين السالفة معه ابد ابد ابد
وتأكدي ان هذا ابتلاء ربي بختبرك
تأكدي راح يتغير كل شي خلك واثقة بالله
ادري الخيانة صعبة وجرحها مايزول بسهولة بس ان اتبعتي كلامي اناراح اجنبك
بإذن الله الكثيرالكثيرمن الالم
نصيحة من قلبي لك غاليتي قلب تألم من الخيانةوتعلم
اتمنى السعادة والراحة لكم جميعا