هلا فيج اختي

انا في بلد الزلازل اليابان وحدث ولا حرج

شقولج شحجي عن الهزات اللي هزت قلبي بس الحمد لله ونعمه فيه الله سبحانه يمسح على قلوبنا

شوفي حببتي صارت لنا هزات كثيره بس الحمد لله على طول اقرى سورة الزلزله والاذكار طبعا

ومثل ما قلتي الزلزال غير متوقع يعني يصير فجاءه

فالله يسلمج كانوا يحطون ارشادات ان لازم تتخبي تحت طاوله بحيث ما يطيح عليك شي وانك تخلين كل شي واتجمعين اعيالك بس اهم شي ان بعد الطبخ لازم تسكرين الغاز بكل الاحوال بالاضافه انك ما تخلين اماكن فيها الكهرباء مفتوحه وانتي ما فيها مثل الانوار في الغرف اللي انتي مو جالسه فيها وغيره

وبعدين خليني اقولك عن خبرتي في الزلازل

اول مره ولله الحمد صار زلزال وانا كنت في السرير بعدني ما صحيت من النوم بس حسيت ان شي يهتز فزيت ولا زوجي يقولي لا تقومين قلت شفيك يقول زلزال اهو قالي زلزال انا خريت ههههههههه الحمد لله والشكر بس الحمد لله كان خفيف

بس بعدها صار كم هزه والله ان كبت مال الكاسات تبطل وتكسروا الكاسات كلهم على الارض
ومره صارت هزه قويه اللي حتى المرايا المعلقه طاحت وما قدرت اوقف الصراحه بس الحمد لله ان ما تطول اكثر من 5 دقايق تقريبا او متقطعه تكون


والحمد لله على كل حال

ام تامر صح النوم يا عسل وبعدين وين اهلك اخذتهم الرعبة وما صحوك
الله يحفظنا

الرورو
ايه والله المفروض اقول نداء عاجل لرورو من كثرمانسمع هزات عندكم
يعني الوضع بالنسبة لك ما يخوف ؟؟والمكان اللي انت فيه قصدي البناية مقاومة للزلزال
طبعا بقدرة الله تعالى ؟ والله يكفينا ويكفيكم شره والمسلمين اجمعين

طبعا صحوني بس محسوبتك خم نوم فتكرت اختي بتعمل حركات عشان اصحى عشان اقوم افطر وهي تصرخ وتقول قومي زلزال زلزال وهي تحلف ما رديت هههههههههههه وبعدين عرفت انها البنت جديه بعد ما هز البيت فيني ههههههه شر البليه ما يضحك:27:

اختي المعتصمه.. على اللي اعرفه انه الجهه الغربيه في أمريكا هي الي معرضه للزلازل...(مثل كاليفورنيا) بس المناطق الثانيه ماسمعت... انشاالله انك وخواننا المسلمين بعيدين عنها....

الرورو... الله يكون بعونك.... انا ابي اعرف اهلك يدورن عن هالزلازل؟؟؟؟؟؟؟؟

الله يحفظنا والمسلمين اجمعين