ااااااااااااااااااااااااااااااااااااااااه غالية شام


شو اقول حطيتي ايدك على الجرح

الحمد لله الله يديمها علينا نعمة

نكون هكذا ولا نكون مبتلين بوقت الفراغ

المهم انا برأي تعلمي اولادك على ان يساعدوك وابدا ابدا لا تقولي صغير انا بدأت بها الشئ من حوالي الشهر اخلي اولادي يساعدوني طبعا ما بكون ترتيبهم متل ترتيبك لكن بخف وبيسهل عليك كثير ووالله حتى الي عمره سنتين بخليه يركن البيت حتى يتعود

والاساس الي معلمه ولادي عليه ان الي بيخرب هو الي بدو يصلح والي بينكت هو الي بدو يركن


في البداية كان تركينهم دحوشه واي كلام لكن مرة على مرة بدأو يترتبوا وهلا صاروا الحمد لله يركنوا غرفتهم لحالهم انا بس بحط اللمسات الاخيرة

يعني الحمد لله وبدل ما نخلي اولادنا زيادة مشاغل علينا الافضل نخليهم ايدي مساعدة لنا ولو بالقليل
وبعرف بعد كل هذا بضل الشغل ما بيخلص


كان الله في عوننا جميعا

والله يعطيك العافية

بعض الملاحظات من تجربتي الخاصة:

لما تصحي الصبح لا تقولي لسا قدامي اليوم كله ونما ابداي راسا بانهاء ما تراكم عليك

وكل ما مسكتي شي اطلعي على الساعة وحددي لنفسك وقت معين تخلصيه فيه لان لما بتحددي لنفسك وقت معين وبتلتزمي انك تخلصي الشغلة هاي قبل لا يخلص الوقت بتلاقي حالك عم تشتغلي باسرع من المعتاد

حاولي قدر المستطاع ما تأجلي اي امر اصري على انهائه ولو على السريع لان عمل الاشياء اول باول يمنع تراكمها ويسهل اتمامها ولو بعد حين

ان شاء الله اكون فدتك واذا تذكرت كمان ان شاء الله اقول لك

و أخيرا هذا الاسبوع أصبح وقتي منظماً .. لي عودة في طرح الطرق الرائعة التي طبقتها لتنظيم وقتي ..

:)

أهلا عزيزتي فتاة سورية

صحيح فالفراغ من أشد المفاسد على الإنسان




والله بحاول كتير بس ما نتيجة

يعني إذا ماشافوني انا قمت ولميت مثلا الخبز اللي وقعوه على الأرض ما بيتحركوا

بس رح حاول لان بقول المتل : ابنك وما ربيتيه






ماشاء الله لا قوة إلا بالله

الله يحفظهم ويخليلك ياهم يا رب



صحيح نصيحة صحيحة باملية مية

بس شو بتعملي لما تقومي وجسمك مكسر تكسير يعني على قد مابفيق بالليل وولادي بفيقوني مابقدر بصحى الصبح إلا وأنا ميتة من تعبي

الحمد لله على كل حال



نبارح جربتها وفعلا نفعت

والله دعيتلك من كل قلبي


نفس نصيحة أمي الله يحفظها ....

والله بعرف انو هذا الصح بس احيانا بتتركي المهم للأهم منه

ولا أقول سوى جزاك ا لله خيرا كثيرا على ما نصحتني به وجعله في موازين حسناتك

وإذا تذكرتي شي أمانة بتقوليه حتى الكل يستفاد ويدعيلك

بارك الله فيك .




بانتظارك غاليتي مرآة نفسي

ما تطولي علينا










:17:

غاليتي شام احمد الله ان فدتك ولو بالقليل

بالنسبة للاولاد فاتذكري دائما انهم اطفااااااااااااااااااااال يعني ما بيمشوا بالامر وبس ....صعبة بدهم طرق ووسائل لا تعد ولا تحصى حتى يستجيبوا لامرك في ترتيب المنزل

رح اعطيكي كام طريقو وان شاء الله ىتزبط معك كل يوم جربي وحدة

- احضري بيدك كمشة من الكاندي متلm&m وقولي لهم كل ما واحد شال غرض بعطيه وحدة وفعلا خليهم يشيلوا ويجيوا لعندك تعطيهم وهيك ختى يشيلوا كل الي على الارض..................زهي الطريقة بعملها معهم لما بكون عم رضع وبخلص رضاعة بكون البيت اتلم وانا بيبقيى لي التكنيس فقط


- طريقة تانية قولي لهم مين الحباب الشطور الي بيعرف كام شغلة غلط موجودة بها الغرفة يلا لشوف كل واحد بشوف غلط يشيله ويقوله لي لاعرف بتعرفوا وين الغلط ولا لا

احيانا بتنفع بس بدها متابعة وتشجيع يعني كل ما قال لك عن غرض امدحيه وبيني له انه ذكي كتير وشجعيه يشوف اذا في شي تاني غلط

- كمان طريقة قولي لهم في اشياء في هذه الغرفة مو بمحلها بدي ياكم ترجعوها محلها والي بركن اكتر بعطيه كاندي اكتر او بكون حباب اكتر او بكون هو الي بساعد ماما اكتر يعني شوية تشجيع ومشان تعملي بينهم منافسة


يعني في كتير طرق بس لتخلي هالاولاد يشتغلوا

واذا بدك الصراحة علميهم دائما دائما يشيلوا الي عملوه والله بترتاحي كتير واعتقد ان بيتعلموا بطريقيتن اولا اذا خدا عمل شغلة وقلتي له يشيله وما رضي لا تشيليها انت اصري عليه لان اذا شلتيها بتعلم انك رح تقولي مرة ومرتين وبعدين انتي تقومي لذلك لا تقبلي حتى لو ضليتي فوق راسه لحتى يشيلها وممكن تقولي له بساعدك هالمرة بس مرة تاني لا وساعديه شوي

وبعدين ابدأي معهم بطريقة الايحاء والله ان بتنفع كتييييييير - حتى مع الازواج بس النتائج مع الازواح بدها وقت طويل لتظهر- يعني للاولاد دائما قولي لهم الله يعطيكم العافية انا مبسوطة منكم انتو دائما بتساعدوني وكل ما واحد عمل شي هو الي بلموه -ركزي على هالشغلة ان الي عمل شي هو الي بشيله-- عن جد حبوبين ولادي ماشاء الله عليهم الحمد لله عندي ولاد متلهم وبوسيهم ولفيهم


ضلي كل يوم تقريبا سمعيهم هالكلام يعني كل مرة قولي شي شغلة صدقيني بعد فترة رح يتشبعوا بها الفكرة ويصيروا عن جد يساعدوكي


ما بعرف ان شاء الله اكون ساعدتك وان شاء الله تزبط مع اولادك

ماشاء الله لا قوة إلا بالله

هنأك الله بعقلك وحكمتك وأولادك .... آمين

وجزاك الخير على هذه النصائح التي لا يعطيها إلا من كان كريما .....

أكرمك المولى بكرمه

وسأعمل بهذه النصائح

أحيانا كنت أعمل قريبا من هذا لكن إذا شافوا ولادي الكاندي . خلص بطق عقلهم وما عاد يفهموا شي ولا يردوا إلا وياكولها قبل كل شي

لذلك ما بقدر بفتح سيرتها أبدا ولا ورجيهم ياها إلا بعد الاكل أو كون مستعدة لهالشيء ..

على العموم رح جرب وان شاء الله تظبط معي

وإذا ظبطت بكون الأجرو الثواب إلك عزيزتي

ودمت في رعاية الله انت وأهلك واولادك

:24: :26: