ماذا تفعلين لو زوجك تكلم عنك مع أهله

السلام عليكم حوائيات، رجعت لكم بموضوع جديد مع زوجي ، انا كتبت موضوع قريب عن ان زوجي سريع الزعل وكثير الخصام
المهم اننا تصالحنا وراح يفسحنا وراضاني
بس اليوم قلت له فلان اريد تلفونك اريد ارسل رساله لان تلفوني ما فيه شحن وكنت اريد اراسل اخته
المهم: شفت اسمي ف المحادثه الأخيره وقرأت انه كاتب لأخته( اريد اكلمك بموضوع بسرعه قبل لا تجي فلانه) اللي هي أنا
وانا ملاحظه انه داااائما يحذف المحادثات اللي بينه وبين اخواته أول بأول، بس هالمره الظاهر ما لحق
علاقتي بأهله واخواته جدا ممتازه ولله الحمد بس احسه هو اللي يسوي بيننا حساسيات، حتى لاحظت انهم قبل كانوا أكثر معي والحين كأنهم شوي رسميين معي بسببه، يعني بالله عليكم فيه زوج يعطي فكره سيئه عن زوجته مع اهله اللي يحبوها
والله اني ما شكيت منهم اي شي وكانوا يعاملوني كأني وحده منهم وانا كذالك عمري ما كدرتهم لا بتصرف ولا بكلمه، بس احس زوجي بيخرب العلاقه بيننا ، دائما يحاول يستعرض قدامهم انه ما يحب يعلمني بأي شي وبأنه ما يتكلم قدامي
كيف اتصرف معه، ارجوووكم ارشدوني تعبت من المشاكل معه