ماذا تفعلين لو كنتي مكاني؟؟؟ بنتي تنضرب وام البنت تتفرج

اهلين حوائيات
من كثر ماانا مقهوره بدخل بالموضوع على طول
امس زرت ناس للمره الاولى
ووحده من بناتهم مررره عنيفه الله يهديها
مع ان عمرها 3سنين
طبعا نفس عمر بنتي لكن ماشاء الله اقوى بكثير واسمن
وطول الوقت تمسك بنتي من شعرها وتسحبها بالغرفه وبنتي تصارخ
تضربها على وجهها وبنتي تصيح
ومو هذي المشكله لأنها طفله وماعليها شرهه
المشكله امها اللي جالسه تتفرج لا تامر ولا تنهى
وكل شوي البنت تسوي لها نفس الحركه
والام اذا مره مره تفاعلت قالت لا يافلانه ليش كذ ا:confused:
انا طبعا كنت ساكته انتظر الام تتصرف
لأني احس عيب انا اعلم بنتها وهي قاعده
ولان لو انا مكانها بتضايق ان احد يوجه بنتي لأن هذا دوري
بس شوي راحت البنت جابت لعبه ثقيله وطرفها حاد
وترفعها فوووووق وضرب بكل قوتها على راس بنتي:024:
هنا انا طفششششششششت :30:
بس امها هالمره ضربتها على يدها شوي
وكملت سواليف
والبنت رجعت بنفس الحركه والام تسوي نفسها ماتشوووف:35:
كلمت البنت
قلت لا تضربينها عشان تجي عندك مره ثانيه
وقلت عيب وقلت ترى بنروح لبيتنا بس لا حياة لمن تنادي الام ولا هي هنا

يعني مادري وش تنتظر مني : أأدب بنتها انا ؟؟ والا اترك بنتي ينكسر راسها ؟؟
انا ماقول موقف الام مو صعب هي مسكينه اكيد بلشانه الله يعينها
لكن سكوتها هو اللي رافع ضغطي يعني قدري ان الناس بعد مايرضون على عيالهم
وقدري ان البنت ماشاء الله ضربها قوي يعني ممكن تسبب عاهه لأحد
.
.
.
.وش رايكم وش بتسوون بهالموقف
انا متأكده ان فيه كثيرين يعانون من نفس الشي
وحتى الام اللي ولدها هو الضارب اكيد تعاني
وش الحلول برايكم
هل تتقبل ان الضيفه توبخ ولدها
؟؟؟؟؟؟

اللي نسيت اقولكم اياه
انه بعد كل هذا جابت ولدها اللي عمره سنه
وبنتي يطيييير عقلها بالصغار
قامت حضنته من الفرحه وطاح على الارض وحتى ماصاح
قالت لي يووووه الله يعينك اذا جبتي بيبي
قلت ليـــــش
قالت بنتك شكلها جفسه على الصغار ماترحمهم
:eek::eek::icon810::icon810::c onfused-:confused-