ماذا تقولوا في هذه الحالة؟

واللي يقهر أكثر هو أنهم عندما يفكروا يحنوا عليكي ويتصلوا يقولوا " فينك يابنتي...ليه مختفية...ليه ماتسألي.."

يعني يردوا اللوم عليكي انتي
ويخلوكي بنص هدومك


انا ماعرف اللف والدوران وهذا الاسلوب من الكلام
ياترى بايه ارد عليهم؟

عادي يالغاليه انا لمن شفت هذي الطريقه بالدنيا قمت اسوي نفسهم معني قبل كنت نفسج بس فكرت قلت ليش اهتم بناس ماتهتم اذا على صلة الرحم اهم مايهتمون ولو تتصلين الواحد نفسه عزيزه بعد مايقط عمره على احد بس لاحظت الناس كلها ماتتصل الا عشان مصلحتها فصرت نفسهم متى ماابي شي اتصل معاهم بس غيرهم لا انتي ضبطي امورج على هالشي استفيدي وفيدي كل شي بحسابه هالوقت ومحد اصلا فاضي لاحد كلنا بالهوا سوا ممكن يكون كلامي قاسي اشوي بس الدنيا جذيه ماشيه الحين واللي تقولج لا غلطانه صراحه واسال مجرب

حبيبتي هند .. خلي عندك قاعده تمشين
عليها بهالدنيا ...

( العين بالعين .. والسن بالسن والبادي أظلم )


بهالطريقه ماراح تظلمين أحد ولا أحد راح
يظلمك ...

اللي يشريني بريال اشتريه بكنوز الدنيا
واللي يبيعني برخيص .. ابيعه ببلاش!


واللي يرشني بماي .. ارشه بدم!
لأني كنت زيك على نياتي ... ويا حبيبتي الدنيا ماترحم
الضعيف ... وحكم القوي اهو اللي غالب بزمننا الردي ...

ولهالسبب الحقد ملغي من قاموسي ... دام
الشخص حس بغلطته واعتذر .. خلاص الله معه ويبقى
الاحترام موجود .... اكثر من كذا .. (( لا ))


ومو معناتها تقطعينهم .. لا بالعكس انتي
سوي الواجب .. واحتسبي الاجر عند رب العالمين .... بس لا
تضغطين على مشاعرك وتقولين ليه ما يتصلون وليه وليه ... شيلي هالكلام من بالك :D


وماعليك من الناس .. ومن العذال .. اهم شي
احبابك واصحابك ... اللي فعلا يحبونك بدون مصلحه ولا هدف!!!!!!!!!!!!!!!!!!!!!!!!!!!!!!!!




قد يخالفني البعض بس هذا رأي ...

لا يضيق صدرك حبيبتي والتفتي يمين ويسار وبتلقين معظم الناس يشتكون وعندهم نفس مشكلتك


الناس تغيرت ولا صارت تفكر الا في نفسها يعني حنا في وقت المصالح




طنشي ياقلبي وبترتاحين

أختي هذا حال الناس ألحين.. ما تهمهم غير أنفسهم ومصالحهم وعلى الدنيا السلام..بس بالرغم من ذلك في ناس نادرين يحبون ويعطون ((روحيا وماديا)) بدون مقابل
فقط لوجه الله..