اهم شى خالتك .. وهى ام زوجك وابو زوجك .. هم اللى تزورينهم .. ممكن تروحين لهم مدة ساعه او ساعتين او 4 ساعات علشانهم امه وابوه واحتسبى الاجر فيهم .. والله فى ناس اكبر من مصيبتك لكن محتسبين الاجر وانتى ادعى دعاء جدا رائع قبل لا تدخلين عليهم ..
دعاء جدا رائع يحفظك وانشالله بتلاقين الخير والله عن تجربتى لهذا الدعاء ان مديرتى بالمدرسه اصبحت جدا متفهمه وارتحت مع المجموعه اللى معى لانى اصغر
وحده فيهم ويغارون منى .. ومن لبسى ومن كل شى البسه ومكياجى .. لكن ماصرت احتك فيهم .. الدعاء بكتبه اخر كلامى لكن بنصحك نصيحه .. معقوله كل اهله مايحبونك طيب ماحاولتى مع وحده من خوات زوجك تحسين انها طيبه .. حاولى تتكلمين معاها وتكون لك صديقه لانك فى مكان بعيد عن اهلك .. تحتاجين تتكلمين .. لكن لا تعطينها اسرارك واسرار زوجك . فقط اعتبريها اختك او صديقتك .. وصدقينى يمكن هم مايقصدون غيرتهم هذا شى فى داخل الانسان مو بكيفه .. لكل انسان عقد بداخله وانتى منتى ملزومه تتحملين عقدهم وتتعبين نفسك بانهم مو متقبلينك .. انتى سوى اللى عليك وبرى ذمتك عند ربك .. طيب ماحاولتى تقولين لزوجك قبل تمرين عليهم خلينا ناخذ لهم طبق حلو .. تدخلين فيه عليهم ..؟؟ ماحاولتى تعزمينهم مع زوجك فى مطعم او تعزمينهم على عشا .. من عندك ؟؟ تعزمينهم فى بيتك ؟؟ تقربى لهم .........ز حاولى اكثر من طريقه .. اهدى فى المناسبات لام زوجك .. اهديها خاتم ذهب او دراعه او شيله او دهن عود هالاشياء تلين قلوبهم .. والله لان الرسول قال تهادوا تحابوا
لاتقولين يأست وهم يكرهونى خلاص مالى علاقه فيهم .. هم يبقون اهل زوجك وزوجك مايمكن ينفصل عنهم وانتى راح تقابلينهم بكيفك او مو بكيفك يعنى ملزومه فيهم وهم ملزومين فيك لانهم ايضا عمام عيالك .. يقلبى طولى بالك ولاتصيرين متشنجه اذا رموا عليكى كلمه لاتعاتبينهم ربك بياخذ لك حقك منهم .. وحاولى اغلب وقتك يكون عند خالتك ام زوجك ترا اغلب العجايز طيبات لكن البلا فى بناتهم .. انتى تصبرى يقلبى وطولى بالك .. لابد بيوم بتتحسن معاملتهم معك ..

الدعاء هو :
بسم الله الرحمن الرحيم . بسم الله خير الاسماء . بسم الله الذى لايضر مع اسمه اذى . بسم الله الكافى . بسم الله المعافى . بسم الله الذى لايضر مع اسمه شىء فى الارض ولافى السماء وهو السميع العليم . بسم الله على نفسى ودينى . وبسم الله على اهلى ومالى . بسم الله على كل شىء اعطينيه ربى .. الله اكبر الله اكبر الله اكبر اعوذ بالله مما اخاف واحذر ، الله ربى لا اشرك به شيئا عز جارك وجل ثناؤك وتقدست اسماوك ولا إله غيرك ، اللهم انى اعوذ بك من شر كل جبار عنيد وشيطان مريد ومن شر قضاء السوء ومن شر كل دابة انت آخذ بناصيتها إن ربى على صراط مستقيم .
ممكن تقرأينه كل يوم مع صلاة الفجر او المغرب يحفظك ..
وانصحك بمداومة قراءة القرآن الكريم خصوصا سورة البقره

ولكى كل الخير والتوفيق ادعوه لكى .. وطمنينا عليك

اشكركم خواتي على فهمي لكن اختي محتاجه قلب اقلك شىء

يمكن ما تصدقين لو قلت لك اني معروفه عندهم بنبل اخلاقي واني ما ارضى الغلط عليهم من احد حتى اطفالي ما اخليهم يزعجوهم او يخربو بيتهم بل بالعكس يوم كان ما عندهم شغاله ما اروح الا اخلي المطبخ مثل المرايه وام زوجي تدعيلي وبحكم اننا ساكنيين في عماره وحدها
دائم انادي ام زوجي واسوي حلا اللي تحبه وسواليف واخليها تتكلم طول الوقت واسمع قصصها من شبابها حتى تفرج عن نفسها وودها كثير وابو زوجي يحبني ودائم يمدحني بكل شىء ويقول مافي احد مثلي
اما اخوات زوجي بعضهم متزوج اما اللي في البيت عمري ما اعرف منهم احد قدم لي تلاجة قهوه او احتفل بجيتي واصلا ما اروح الا بصينية الحلا واذوقهم من اكلي
يعني احس نفسي طيبه في قرارت نفسي احس اني احبهم ولا اكرههم لكن اول
ما يسير مشكله بينهم بين عائليه يرجعون يكلموني اني انا اللي محرضه اخوهم عليهم
وكنت اقلهم اصلا انا مالي رائي عليه فيكم ابد وما عمره كلمني عن شىء يحدث عندكم الا اني اقول مهما كان اهلك
لكن المره الاخيره تتطورت لدرجة ان وحدها من الاخوات اللي اعتبرتها قمه في الخوف من الله ومعروف انها ملتزمه ومتعلمه ان يحدث منها هذا التصرف تجمع الاخوان والاخوات كلهم باستثناء والله اعلم والدتهم اني انا السبب في مشاكلهم حسبي الله عليهم ونعم الوكيل .
مع ان اخوانهم الاخريين اكثر مشاكل معهم وزوجي بالنادر اعلم انه مسوي مشاكل معهم
لا ادري لماذا ؟
والله اني اقول اللهم رد كيدها الذي كادته لي في نحرها واجعلها تحس بالظلم عاجل غير اجل
واجعلني يارب في احلامها تخاف ظلمي اللهم انها ظلمتني وجمعت اهلها على ظلمي وقهرتني بظلمها وجعلتني اتوجع وابكي كل يوم قبل نومي وحسستني يارب اني لا شىء وتركتني في موقف انحرجت امام اخوانها انهم صدقوها وهي تعلم عدم مقدرتي عن الدفاع عن نفسي لانهم غير محارمي رمت بالكلام وتركت النظرات تلحقني وكل اخ لها يتحدث لزوجته ويخبرها وهذا الذي يقهرني ايضا كانني من المفسدين في الارض
اللهم اظهر الحق واضحا ناصع كرسالة نبيك محمد صلى الله عليه وسلم لا يشوبها شائبه اللهم عاجل غير اجل انصرني على ظلمها لي واجعلها تاتيني راجية باكية تطلب السماح مني
وقد قلت ياربي لاظلم اليوم .. ياجامع الناس في يوم لا ريب فيه انتظر فرجك واملي فيك قريب
سامحوني اني تكلمت هكذا والله الذي لا اله الا هو اني صادقه . وحبيت اشتكي هنا افضل من اخبر اهلي او حتى امي وتحمل امي في قلبها شىء او تتصل او تخبر زوجي واعمل حواجز بين اهلي واهل زوجي وانا امدح فيهم حتى اقوي العلاقات والمحبه .

اختى يوكابد
والله لو تسمعين مصايب الناس تهون عليك مصيبتك
انا اهل زوجى اتهمونى بالزنا لما سافرت برا حسبي الله ونعم الوكيل ابوه اللى اتهمنى :( :( وامه حاضرة الموقف ...
وسعى صدرك وادعى ربك والله ينصرنا عليهم وجعلهم يحتدون لنا ولا يصخرنا ربي
يارب ياذا الجلال والا كرام,,,,,,
الله يكون فعونى وفعونك

ام عبودي


كلام سليم ماشاء الله


وانا الي مجربته وناجح %100

شوفي يا بنت الناس انتي تتكلمين عن تجربتي بالضبط للاسف

كنت مسويه زيك بنت اصول بعدين الظاهر انه فيه ناس الله يحاسبهم على فعلهم

اتدخلوا بينا والغيره الموجوده فصرت انا بالاخير الضالمه

يا اختي البعد عن اهل الزوج غنيمه اذا صارت لك فرصه حاولي تقنعيه بالاستقلال بسكن بعيد عن اهله

لان هاذا الامر يقلل الاحتكاك بينكم واذا رحتيلهم واو جيتي لهم كوني ضيفه محترمه بس لا كثر سواليف في حياتك الخاصه ولا شي يعني رسمي وبس

واهم شي لازم تكون الامور جليه واضحه امام زوجك مو بعدين تتلتل عليكي المصايب والكلام وانتي ساكته مسويه فيها بنت اصول بنات الناس الطيبيين مالهم مكان في هاذي اليومين

لازم تقولي لزوجك عن كل شي بس باسلوب مو تهاجمينهم لانه بالتالي راح يكرهك انتي

اليوم جات من اخته وطيب انها مشيت وانتي غلطانه في سكوتك كان على الاقل تحسبتي عليها في وجهها مدامك مضلومه سكوتك يوكد خطاءك

بكره ان جات من ابوه وامه لو كان متأكد انك ما غلطي مع الايام بينسا صبرك وبيتذكر ان اهله متأذيين منك

الظعف يا اختي طريق الهلاك

الله يكون بعونك وبعون كل مظلومه