القادرية :

حديث لنفس هلا بك ؛؛ ما شاء الله عليك الله يخليهم لك يارب وقبال ما تلعبين عيالك قولي آمين .. الأطفال يحبون المرح و اللي يلعب معاهم أفكارك حلوة و ممكن تطبيقها بسهولة الله يعطيك العافيه وبالنسبة للتلوين والرسم و الأنشطة الفنية بعد حلوة و الانترنت مليء بمواقع من هالنوع وفيه رسوم كثيرة ما عليك الا طباعتها على سبيل المثال : الصور أكبر من كذا ولكن صغرتها لسهولة التصفح و الا بالموقع تجدونها بمقاس A4 و العديد العديد تجدونها في هذين الموقعين ؛؛

حديث لنفس هلا بك ؛؛ ما شاء الله عليك الله يخليهم لك يارب وقبال ما تلعبين عيالك قولي آمين...

om_aboood :

بصراحة الموضوع هذا مهم ويعطيج العافية ضروري نتقرب من اعيالنا من تجربتي انا كله مشغولة بالبيت وبالتنظيم و الترتيب و تغذية اهل البيت لكن بو عبود الله يجزيه خير من يشوف ولده بأي وقت بعد ما يخلص الدوام و الشغل اللي عنده بالبيت على الكمبيوتر يلعب معاه حتى طريقة استقباله بعد مايرجع من الدوام لعب و ركض و ضحك وشنو كانت النتيجة : صار الولد يحب ابوه اكثر مني ===> ما يكرهني لكن يستمتع معاه وصار يطيعه اكثر مني !! وانا اللي اتعب و اسوي واحط و ارتب و اربي وهذا على البراد يستولي على محبة ولدي له وحده فقررت ====> اقلد البابا :22: صار حتى شغلي لعب ... وصرت انا اللي استانس وما احس انه يزعجني العكس افرح لما اشوفه فرحان معاي حتى لو كنت مشغولة ابتكروا الالعاب : 1- لعبة الاسد : خليك الاسد وتبين تاكلينه ... وقلدي صوت الاسد وسوي حركاته كأنك بتاكلينه راح يهرب و يضحك ويرد مرة ثانية عشان تكررين نفس الحركة بس انتبهي ما يكون في شي قريب يطيح منه ويجرحه راح تحسين انك عبيطة بس صدقيني بتستانسون 2- لعبة آكل بطنك : اذا ما سمع الكلام وعاند و حسيتي انه راح يبكي انا باكل بطنك ياللي ما تسمع كلامي و مسكيه و اكلي بطنه بدغدغدته على بطنه بايدينك و فمك 3- لعبة الطين : اشتري الطين ( الصلصال ) ولعبي معاه شكلوا اشكال و احرف 4- لعبة الالوان : سواء الوان شينية او خشبية او مائية لوني معاه بكراسه ابداي بالرسم و خليه يلون ، طلبي منه يرسم كره او بابا او ماما او شمس او طلبي يرسم اي شي يخطر على باله اول ما بدا يرسم ولدي قلت له ارسم شي حلو رسم لي نقط قلت له شنو هذا قال ماما هذا عيش ( أرز ) !! خيالهم واسع نمووووه 5- لعبة نط الحبل : نطي وخليه ينط معاك 6- اللعب عند تفريش الاسنان : خليها مسابقة بينك وينه منو يغسل اسنانه عدل وقبل الثاني :) 7- اللعب مع التعلم : - لعبي رياضة معاه قفي واجلسي ومع الوقوف قولي up ومع الجلوس down - قلدي اصوات الحيوانات وارسمي على لوحة او ورقه شكل الحيوان ببساطه واخبريه باسم الحيوان بالعربي وقولي له اسمه بالانجليزي و ارسمي حرف الحيوان وبعدين الفي قصة تخبيرينه فيها عن هذا الحيوان .... كل مرة حيوان مختلف - لا تنسين اي لوحة يرسمها تعلقينها على الحائط في غرفته وخصوصا اذا كانت مميزة 8- لعبة الملابس : سلة فيها ملابس مختلفة وهاللعبة يا كثر ما لعبتها مع خواتي وبنات الجيران مسابقة منو يلبس اكثر !!! وهات يا ضحك 9- لعبة الاكل : وهذي مهمة للمتعبين الاكل مسبقة علقي تفاحة واربطي ايدينه وقولي يالله اكل الفاحة من غير ما تمسكها :hahaha: والا حطي صحنين على مسافة 4 امتار و كيسين من الخيش او القماش ولبسي كيس وهو يلبس كيس وكل واحد ينط ويوصل لصحنه وياكل منه و يرد مكانه بالنط وهكذا لما يخلص الصحن والفايز له هدية واذا كنت خايفة يتعب من الاكل والنط اذا كان اكل دسم خليها من غير كيس ولا نط خليها حبي او مشي او ركض وهذا الي طرا على بالي الحين ... وشكرا عالموضوع وعلى فكرة الولد صار يعشق شي اسمه ماما لا وما يستغني عنها ولا يرضى تزعل منها ومطيع وانا امارس رياضة و العب واستانس وما احس بالشغل الا وهو مخلص والحين اطبق نفس0 الشي على اخته اغير لها البامبرز و آكل بطنها :42:

بصراحة الموضوع هذا مهم ويعطيج العافية ضروري نتقرب من اعيالنا من تجربتي انا كله مشغولة بالبيت...