ما شاء الله عليكم كلكم
أصك باب الغرفه على عيالي وياويل اللي القاه صاحي حتى اذا طلبوا ماء أقول نامو تجيكم الغزاله وتشربكم (عشان ماينشطون زياده)
والبنت الصغيره أترنم لها بعبارات ماني قادره أكتبها لاني مالقيت لها حروف باللغه العربيه واذا مصختها اهبد على ضهرها وأنشدلها
(.................والحلا كله .....صغيره دقه وجله )
أو اقراء عليها المعوذات

أنا انشد لبنتي اناشيد طيور الجنة
انوع فيهم
ولما احممها انشد لها ( يا حمام يا حمام أنت صديقي يا حمام ) مالت افتح يا سمسم .. حدي مغبره
واذا انومها اقرأ لها سور من القرآن وتنام عليهم

اقرء المعوذات مع شوى من اناشيد طيور الجنة يسمع الين يجيه نوم

يابنات وقت النوم اقروا عليهم قران لانهم يرتاحوا في نومتهم ويحفظوا صدقوني عيالي حافظين ايه الكرسي وبدايه سورة البقره كله من قراتي لها عليهم وقت النوم انا ماكنت عارفه كنت اقراها عليهم ويناموا بعدين تفاجاءت انهم بدوا يرددونها معي وبعد فتره صرت اسمعهم يقرونها لحالهم واحمد الله كثير اشكثر استانست
اغني لبنتي الصغيره زينوا الحرم والحرم لينا تستانس عليها
ولبناتي الكبار اغني لهم اه يااسناني واحيانا اغاني طق
وقت النوم احيانا قبل القران اقولهم
نوقا وتوفي وشكولاته ياربي خلي بناتي الثلاثه
او احيانا اقول نامي نامي ياصغيره بكره تصيري اكبيره

في بعضها كنت أغني له وهو ولد شهور
بس الحين أول نشيدتين

بسم الله
وما شاء الله
على ( اسم ولدي ) ما شاء الله
بسم الله و ياسين
من عيون المساكين
==========================

إلا الله إلا الله
ما في قلبي غير الله
حسبي ربي جل على
نور محمد صلى على
هوه هوه حبيبي
هوه هوه يا وليدي
==========================

صباحي يو الصباحه
ونور الصبح مصباحه
والبيت ما نندله ولا نسمع صياحه
صباح الناس مره
وصباح ولدي مرتين
صباح يفري الهم
وصباح يفري الغم
صباح يقول يا ماما اليوم ريوقي قرصين
صباح يقول يا بابا اليوم قريت لي جزوين
==========================

كت كت ... ما عدنا بنت
عندنا وليد يصيح ويسكت