السلام عليكم جميعا
انا لسه مادخلت القفص الذهبي لكني مخطوبه ، وقريب مره حصلت مناسبه لخطيبي واهديتو هديه
على فكره انا احب اعمل الهديه بيدي يعني اشتري القلم او الكبكات او الساعه لكن اعمل معاها اشياء ثانيه تلفت نظرو للهديه لدرجة انو مايبغى يرمي ولا حتى ورق اللف الخاص بالهديه :21:
والان شوفو انا عرفت انو يحب الزرع مرررررره ، رحت محل الورود وجبتلو زرعه بسيطه من النوع الي يستمر في النمو مع الاعتناء ، سويت قلوب من الورق ( المطعج ) الي في المكتبات حاليا ولصقتها على الاصيص وبعدين غلفتو بنفس الورق بس النوع الخفيف منو ، وخليت التغليف على فوق وربطو بشريط من الخمل ، حطيت معاها بطاقه من نفس الورق بس حرقت اطرافها مكتوب فيها انو احنا زي دا الزرع كل مامرت علينا سنه مع بعض كل مانمى حبنا وكبر ، وجبتلو عوده اصليه ربع توله وحطيتها في علبه من الفضه من جوى مبطنه بالمخمل وعطرتها من نفس العوده ، وحطيتلو بطاقه من نفس الورق السابق مكتوب فيها لانك اصيل اصالة العود اخترتك من دون كل البشر ، واخيرا جبت نفس الورق قصيتو لمستطيل مرررررره كبير وكتبتلو شعر معبر ووقعتلو ام اطفال المستقبل واسمي :27: ، جبت عوده خشب اصليه حفرت عليها بالنار حرفي وحرفو من جهه ومن الجهه الثانيه حرقتها لكلمت احبك وعملت فيونكه من المخمل لصقتها على الكيس من بره ولصقت عليها العوده الخشب وبس
طويله لكن لازم الشرح بالتفصيل
اتمنى تكون اعجبتكم الفكره وهي جديده ومميزه ..... :15: :01:

حنانى ماشاء الله عليج
افكارج وايد حلوه
ان شاء الله راح اطبقها
:)

موضوع رائع ممكن تهدينه مجموعة حلاقه ويكون شكلها جميل ذهبي او فضي غير الاعتياديه ومعها مشط وقصاصة اظافر ورغوة الحلاقة وكريم بعد الحلاقة وهكذا حتى تصير ممجموعة جميلة وتلفينها بشكل جميل وهذي طبعا مفيدة مو بس للزوج لكن بالتأكيد لك انت لأنك حتفتحي نفسة للحلاقة فحتكون النعومة على طول

طيب انا اليوم ذكرى زواجنا
بس مع ذلك ماني عارفه ايش اقدملو
وخصوصا انو يوم متعب جدا لي ولو
كلو اعمال شاقه
وهو من النوع الي يكره الطعام
وانا مالي أحد يوديني على السوق

فما ادري اذا تقدرون تحلولي الفزورة
وتعطوني احلى فكرة
اكون ممنونة كثيثثثثثثثثثثثر...............

ام رهم
ان شاء الله هذا الرابط يفيدك

http://hawaaworld.com/vb/showthread.php?threadid=46615


تحياتي