اااااااااااااااااااااه الله يعينا

انا مربيه تقريبا من ثلاث شهور ضبط
بس بصراحه الحريم خوفني أكثر من الازم
يعني طول فترة الحمل وهن يصورن لي فيلم رعب
أتصدقون ماعرفت الويع
أنا ربيت قبل الموعد باسبوعين
كل شوي أبغي اروح الحمام
وكنا معزومين على غدا
وكنت مغيره ثيابي وأبغي استشور شعري وأحط مكياج
بس تضايقت من كثر ما اروح للحمام وأحس بحرقان شديييييييييد في البول
الساعه وحده الظهر قلت لريلي فيني حرقان <<<< طول فترة الحمل فيني حرقان بس قبل الولاده كان شديد
قا لي نروح الدختر قلت له لا بنسير عند فوفو (دكتوره نسائيه)
تذكرت انه كان يومها الخميس ودكتوره معطله
رحنا المستشفى وأنا مافيني ألم يذكر وريلي يدعس على البترول يسرع ويبطأ ويقول لي تشاهدي على عمرج يتمصخر <<<< كخ
المهم
دخلوني الغرفه وكل شوي اروح الحمام وبطوني بالحزام ومافيني ألم
شافتني الدكتورة قالت لي فاتحه 4 سم أنتي في ولاده اليوم الساعه 6 المغرب
يلست اصييييييييييييييح وأنوح (وانا مافيني ألم) يقول لي ريلي يا الجذب من ساعه تضحكين ويوم قالو بتربين اليوم صحتي
المهم اتصلت لأختي قلت لها
بولد انا ي المستشفى قالت لي جذاااااااااااااابه قلت لها والله قالت تقصين علي (كخخخخخ)
بعدين سمعت صوت الجهاز وقعدت اتصيح وتدعيلي
يتني الدكتوره وقالت مايريد ابره قلت لها لا (أريد احس بالالم عشان اؤجؤ) وريلي قال لي ما عليج ديون ولا أمانات (هههههههههه)
عاد عقب حسيت بالويع ويت امي وعمتي وأمي قعدت اتصيح وياي وبعدين طبتني وقعدت اتسولف ويا عمتي
ياني الويع بالقو زقرت الدكتوره تعطيني مخدر عطوني
المهم يت شافتني قالت اللحين سته سم وكانت الساعه ثلاث الظهر وبعد شوي قالت يالله اللحين في ولاده وأنا اصارخ واصيييييييييح وراس طلع بس ماقدرت من شدة الالم امد ريولي بعدين صرخت بالقو وطلعت عواشي بس خوفتني ماصاحت اول شيء وبعدين صاحت وكانت بنوته صغييييييييره وزنه 2 كيلو وشوي

هلا اختي والله خوش موضوع :)
انا لمن ولدت وطلعت من غرفه الولاده
اول ماشفت زوجي سألته
ولدي شعره خشن ولا ناعم

والكل ضحك علي :)

وحده من صديقات اختي تقول انها بمولودها الاول ما كانت تعرف الولاده يوم راحت للمستشفى بتولد انبطحت على بطنها تحس البيبي بيطلع من .... ههههههههههههههههه

الفراشه الماسيه :D
انا كمان ظحكت من قلب على القصه .... ترى الام عافه ايش يعني الطلق ههههه
ولمن يرتفع من قلب تقول ...
المهم عسى الله يسهل عليك ... ولمن تجربين ما عاد تظحكين ههههه :D
امزح الله يخلي ولادتك سهله وما تحسين بيها .....






اطـيـب قـلـب
.... الله يخليلك العيال ... وعسى ها الالام الى نتعرض لها تكون كفلره لذنوبنا وما اكثرها .... :16:
وانا اقراء حسيت عيوني مرره بتدمع
فعلا لحظات الولاده صعبه جداااااااااا وتحسين انك خلاص ميته ...
ذكرتيني بوحده من قرايبنا وااااااايد تعبت بولادتها بالذات البيبي راسه كبير ما شاء الله ... المهم تقول في النهايه ما حسيت بشي ... بس بديت اشوف حاجات غريبه
زي المزرعه ونخيل تنزل على من السقف ... قلت يمكن هذه الجنه ...
وهذه الخظره يمكن انا مت ...
بصراحه قصتها وايد تحزن وفعلا كنا خااايفين عليها عن جد
والحين معاها خمسه ما شاء الله ... بس ما تزال تذكر اول ولاده ...

اطيب قلب ترى النسيان نعمه ولولا النسيان ما حملنا وولدنا مرات ومرات ...
الله ييسر على كل حامل ... وتكون ولادتها مرررره سهله...

ههههههههه ضحكتيني لمن زوجك عزم الرجال الى ينتظرون ...
يعني شو بيسون احسن يستغلون الوقت ........ صدق مصائب قوم عند قوم فوائد هههههههههههه :D
شرفني وجودك يا قمر

ام عائشه :icon33: :icon33: :icon33:
اخو زوجك متفيق ... وما يدرون بينا ...
الله يسهل على البنات وكل الحوامل ...
ام عويش انا على بالي كل ولاده تكون اسهل عن الى قبل :icon33:
اترى حمودي بهدلك وراواك الموووووت ....
عن جد ذكرتيني .... بالذات في اللحظات الاخيره يوم البيبي يريد يطلع
تحسسسين روحك خلاااااااااااااااااااااص ...ما عندي تعليق..

انا لمن اخلص ... تجيني حاله ذهول وما يوقف لساني
بس اقول الحمد لله ........ الحمد لله........... الحمد لله
كني شريط ما اتوقف بس اشوف بذهول على كل شي وكاني انولدت من جديد
واعتقد كل من ولدت تحس بهذا الاحساس :icon28:
ام عاشه شكرا لمرورك ومشاركاتك في موضوعي اكثر من مره اسعدني تواجدك
وعلى فكره انا معاي طفل صغير وهو الاخير وراح احكي ولادته في مره ثانيه :D



ام رفعه
اهليييين بيك يا ام رفعه
عيل ولادتك الاولى ما ذكرتيها رغم انها في العاده تكون الاصعب :icon33:
بس ايش لون خلوك تخرجين من المستشفى ... الظاهر الرحم بعده ما انفتح زييين ...

والحمد لله انك ما ربيتي في سياره اخوك كانت راح تصير ذكرى ما تمتسح ابدا :D
يعني بعدك جديده وما لحقتي تنسين الالام ...
بس فعلا ليش ما يعطونا مخدر ترى انا حتى الاكسجين ما يأثر في لدرجه اني ارميه
ما احس له فايده بس ريحته خايسه وتزيدني ...
او يمكن ما عرفت استخدمه زييين
تسلمي يا عسل على الرد والمشاركه