أنا فكرت أسوي جدول وخططته لأسبوع ولكن ما كملت أحب أدش المطبخ وأنبش عن المقادير المتوفرة وأطبخ الموجود
وما أحب أشتري مقادير لأكلات يديدة لأنا مب من الأكيلة يعني يادوب وجبة وحدة في اليوم وباجي الوجبات ياكلها زوجي برع :( الفطور في الدوام والعشا برع مع ربعه في القهوة :(
أصلاً حتى مالي نفس آكل وأنا بروحي
:(

أتمنى يكون كل شي منظم لكن لو اييني جدول مريح ومناسب ما بمانع بطبقه وأنا مغمضه :)

:icon33: :icon33: :icon33:
ياااااااااااااريت اقدر اسوي لي جدول زي كذه ,,, كان انحلت عقدتي

انا اشتهي اشياء كثيرة :
ملوخية , بامية , كوسة , مسقعة , محاشي , الاكلات اللي بالبن , محروق صبعه
فاصوليا , مقلوية , مطفي , سمك بالفرن , والاكلات الشاميه والمصرية وكلللللللل شئ جديد و غريب وكل كووووووووووم والاكلات البحريه كوم ثاني :23:

لكن زوجي ماياكل الخضار الا البطاطس بسسسسسسسسس
والربيان والسمك مايدخل بيتي
وما اقدر اسوي طبقين لي وله ,, وطبعا الاكل ممل ومكرر :( لاعت كبدي :eek:

بصراحة موضوع مهم جدا

جزاك الله خير ياقمر

الموضووووع روووعه والله اني حاولت من زمان اني اسوي جدول بس للاسف كان فاشل لاني ابغى اسوي فطور وغداء وعشاء اضافة لوجبة العصر او المغرب الخفيفه ((الي تنفخ ))
ههههه
بس ماقدرت وللاسف الاذاك اليوم الي هو يوم السبت وبعدها رجعنا لعدتنا اليوميه الروتنيه تدرووون ليه بالنسبه لي يجيني احباط من كثر ما اسوي طبخات وللاسف انا الي اكلها لاني عيالي صغار ومهب كلش يعجبهم واتحسف بالمجهود واكلها

بس ياليت كلنا نتعاون ونكتب شئ يفيدنا

وش رايكم انا بكتب اليوم الاول والي بعدي اليوم الثاني وهكذا

مثلا السبت
الفطور << توست مع جبن +عصير برتقال او حليب +بيضه مسلووقه
الغداء<<شربه الفطر +دجاج برستد +بطاطس مقلية+ خبز +كريمه كرمل
الوجبه السناك <اذا قهوة حلى مثلا خليه النحل واذا شاي كيك اي نوع تحبينه
العشاء<< كلوب ساندوش تونه او مرتدلا الي تحبووون مع عصير كوكتيل
يالله الي بعدي ياليت تكتب اليوم الي بعدة وهكذا منها تجديد ومنها تفيد بعضنا

جزاك الله خير ياختي والله مع الجدول بنكون مرتاحين في الاجازه لانه في الصيف نبنكون قوم للمطبخ متاخرين ومكسلين ولما نبغى نطبخ نلاقي معظم المقادير ناقصه بس بالجدول بنكون مجهزين الطلبات قبل بوقت شكرا على الفكره