%%%**ماذا طبختي اليوم **%%%

ابكون اول واحده ابدا

نحنا عموما غدانا يتالف غالبا من طبق واحد رئيسي فقطططط ...احيانا ونادرا ممكن اضيف طبق جانبي سلطه او شوربه لانني انا وزوجي ما نحب التنويع ..يمكن تستغربون هالشي بس زوجي ما يحب "يلخبط"في الاكل حسب قوله ..حتى لما نروح لمطعم بوفيه مفتوح ناخذ صنفين ثلاثه بالكثير فالحمدلله مرتاحه من الحوسه الله يديم علنا وعليكم نعمته

غدانا اليوم كان

صينية مقلوبه <<< او مقلوبه ما انقلبت على قولة زوجي:hahaha:

طريقتها

قطعي 3بصل شرائح واحمسيها على النار حتى تذبل
اضيفي لها ملح -فلفل- ليمون اسود مطحون - قرفه مطحونه - هيل ناعم وخليها شوي على النار




قطعي بطاطس شرائح
جزر شرائح
ادهني صينية بايركس بشوي زيت وصفي البطاطس والجزر فيها ودخليها الفرن تتحمر من فوق بس




بعدين جيبي باذنجان مقلي وصفيه فوقهم
حطي فلفل بارد مقطع شرائح
رشي ملح وفلفل
افرشي البصل الي حمستيه فوقهم



الان ارجعي احمسي 1 بصله مفرومه على النار مع شوي ثوم مفروم
اضيفي لها دجاج مقطع صغير - ممكن بعض او بدون - انا غالبا استخدم صدور دجاج بس ماكان عندي
احمسي الدجاج حتى يتغير لونه
اضيفي له ملعقه كبيره صلصه + طماطم مفروم + ماجي + بهارات + شوي ماء
واتركيه على نار عاليه ليتسبك



اضيفي الدجاج المتسبك فوق الخضار



الان اسلقي رز مع حبتن هيل وورق غار حتى ينضج
ملاحظه : موشرط يكون الرز ثلاث ارباع استوى انا احب اخليه مستوي بس حب منثور
افرشي الرز فوق الصينيه الي عندك



غطيها بقصدير ودخليها الفرن نص ساعه
وقدميها بالهناء والعافيه

ومعليش من الخبه ما صورتها يوم طلعتها من الفرن


اتمنى المشاركه اعجبتكم

في انتظاركم :26:

الغريبه

هلا وسهلا فيك ياعمري
معليش ماشفت مشاركتك الا تو

نستنى نشوف غداكم بكرا لاتتاخرين علينا

الف شكر لك

ماشاء الله تبارك ...
مشكور على الطبخ الحلوه.....

حلوه فكرة المقلوبه اللي ما انقلبت >>>>>>>>>>ههههههههه
انا اليوم سويت رز مظغوط
بقدر الظغط طبعا
بكره اسويه مره ثانيه علشان خاطركم واصوره لكم واحط طريقته
مرررررررررره سهل وماياخذ وقت
ولذييييييييييييييييييييذ
يسلمو على الموضوع الحلو

انا اليوم سويت
صالونة لوبيا مع عيش ابيض