بنتي الاخيرة حملت بيها من غير تخطيط ولا كان في بالي
وكنت استخدم مانع بس بهذاك الشهر استخدمت المانع كك يوم وبعدها الوالدة الله يرحمها تعبت ودخلت المستشفى
واتلهيت عن اخذ الحبوب كم يوم ولما رجعت البيت ماحبيت ارجع اخذها عشان لاتسببلي لخبطة
قلت ارجع اخذها بعد ماتجي الدورة
وكنت واثقة اني مابأحمل
لأن حملي اللي قبل حملت بعد سنين وعلاج لزوجي
وكمان كنت اقول خلاص الحمدلله عندي ٤ ماشاءالله خير وبركة
واستنى هالدورة تجي وماجات مر شهر شهرين وانا منتظراها
حتى زوجي ماخبرته
لين شفت الوضع صار مريب
اكيد في شي
ورحت الصيدلية واخذت التحليل
وطلع خطين
ماانكر اني فرحت
وبعدها خبرت زوجي ورحت المستشفى ولما جات تعملي السونار
تقولي في كيس بس مافي جنين
وعملت سونار مهبلي وطلع في جنين بس صغير مرة
والحمدلله جبت بنوتة
طبعا المشكلة الحين كيف اعلم اخواتي
حاصير مضحكة لهم
لأن ماشاءالله احنا كثيرين وكل وحدة عندها ثلاثة او اربعة
فلما نتجمع ازعاج وصجة
فكنت اقولهم ياويل وحدة فيكم تفكر تحمل
وكل مانتجمع ويطفشونا البزورة اقولهم كذا
واجي انا احمل
طبعا اخذتلي كم تريقة منهم
انتي اللي تقولي لاتحملو
وتجي تحملي
وبعدها قفلت فمي وماعاد اقول شي

ماجربت هالشعور اب اب

شعور صعب واخاف منه ،،ان شاءالله ماجرب الحمل الا بتخطيط والله يرزق كل محروم والحمدالله أمر الله كله خير ⁦❤️⁩

انا حملت وولدي عمره 8 شهور وعندي قبله بنت ثلاث سنين وربي ما خفت من الوضع خفت من كلام الناس
مع اني كنت على ابواب دراسه وعيالي صغار وماعندي من يساعدني فيهم غير اوضاعنا المادية كانت مره تعبانه وقتها بس قلت ربي اكد له حكمه بهالحمل واللهم لا اعتراض بكيت خوف بس حمدت الله ووكلته امري
والحمدلله صحيح اضطريت اسحب اوراقي ذاك الفصل بوااجل دراستي كم سنه بس الحمدلله ربي رزقني وظيفه والحين ولدي الثالث عمره شهرين والحمدلله الوضع صحيح صعب وتعب بس افضل من ما توقعت

الله لايكتب لي حمل بدون تخطيط انا بسرعه اتحطم ماهنا صبر الله المستعان