بصراحه موقف محرج مره انا امي ولدت بالسياره بأخوي تقريبا قبل 8 سنوات
هي طبعا ما تروح المستشفى الا وهي واصله 00ابوي يقول: انا اقول لها يالله يالله خلينا نروح المستشفى وهي جالسه تمشي بالحوش تقول لا بدري وبعدين لما راحو المستشفى وهم بالطريق السياره ما فيها بنزين وقفو عند المحطه والدنيا زحماااا وقت المغرب وهي خلاص موصله مره بعدين ما قدرت ولدت بالسياره وابوي يسرع مررره يقول ما قدرت اوقف السياره انا اقول لامك ارفعي الولد عن الارض لا يصيبه جراثيم يقول فتحت النافده اشوي علشان تهويه بس خفت على البيبي يصيده هوى يمكن ينضر وقال لها لفيه بالعبايه لفته وحملته بحضنها وصلو المستشفى وقصو السره بالسياره (( طبعا هذي مقابله صحفيه اجريتها مع ابوي )) بس امي لما اسالها احسها تخجل وما تعطيكي تفاصيل مره وانا ودي اسألها اكثر بس استحي

ودي اعرف معلومات طبيه يعني لو ظل الحبل السري موجود مدة نصف او ثلث ساعه عادي؟؟
وكيف الجلسه الي تجلسها الوحده وكيف تتعامل مع نفسها بعد ما يطلع البيبي

والله اتخيل الموقف اوسااااخ وحاله حاله ياربي الله يسترها معانا جميعا يارب

السلام عليكم::

الله لا يجيب هالموقف ..أنا بس سمعت عن وحدة ربت بالسيارة و هم كانوا واصلين المستشفى يعني قبل ما تنزل من السيارة ربت.. اذا لا سمح الله وحدة مرت بهالظرووف لازم تاخذ البيبي ترووح المستشفى و هم يتكفلون بالمسألة يفحصون الرحم و البيبي و يتأكدون كل شي تمام ..

بالنسبة دوم اروح المستشفى بدري شوي و الحمدلله مستشفى جريب منا و ما في زحمة..

الله يسهل عليج يا اختي و تربين بالمستشفى..

انا وحده من قرايبي ولدة على باب العماره ياحليلها طاح البيبي على الارض كانت يالسه تتريا ريلها وشوي ولا طاح البيبي بس الحمد الله ما استوابه شيء على طول وصل ريلها شلها وشل البيبي وسيدا المستشفى ، بس صراحه مواقف اتخوف اللي يسترها على كل حامل ...

Tulip_114
ايه والله الله لا يجيب هالموقف الحمد الله انه المستشفى قريب منك
انا الصدقين بولدي الاول رغم اني اول واحد وما اعرف سويت روحي شاطره وكان عندي موعد اساسا الساعه وحده الظهر والام بدأ فيني من الساعه 5 افجر رحت الدكتوره جنبنا وكشفت عند الدكتوره بس هم ما يولدون طبعا فيه بس مستوصف يعني المضره بس قالت ما راح تولدين الا اعصر ورجعت البيت وظليت انظف وك ما راح الطلق صرت اشتغل وارتب اموري وادا جا اجلس وسبحت لين جات الساعه وحده ورحت المستشفى وطبعا الانتظاااااار والزحمه وانا خلاص الالم ما خدني ولما دخلت لدكتوره قلت اخبارك ما فيه شيء ولا شيء قلت فيه الالم قالت ولاده يعني قت شكلها سالتني من متى قلت من الفجر وقالت وجالسه وساكته هدا انتي اول واحد بعد ولما كشفت طلع الرحم مفتوح 6 سم تخيلي تقول والله امرك عجيب كيف تحمتي ين يجي موعد وعى قالت ولااااااااده
Alshikah443
على باااب العماره ياربي مسكينه عاد الي ما يشوف يشوف ياربي
هي لو صارت فوق احسن ها بس يالله الحمد الله انها جات كذا وماصار للبيبي شيء
الله يسترها معانا يارب

اما هالموقف صار مع جارتنا يا حليها تقول اقعد اتصبر على الالم الين حسيت ان الولاده قربت
وراحت مع اخوها وبنتها تقريبا عمرها 12 سنه او اصغر المهم تقول جاتني الولاده بالسياره
وطاح الولد واخوي ارتبك ما درى شيسوي وراح فصخ قميصه ورماه على البنت وقالها لفي
الولد وهو مسرع بالسياره الين وصلوا عند باب المستشفى تقول ( ان هذا احرج موقف مريت
فيه بحياتي كلها ) تقول الدكاتره والممرضات تجمعوا علي حول السياره وماخلوني اتحرك
علشان يقطعون الحبل السري وعلشان ماترتفع المشيمه وتقول بعدها دخلوني بالمستشفى

وان شاء الله محد يطيح منكم بهالموقف :)