عطر الحب والموده @aatr_alhb_oalmodh
عضوة نشيطة
ماذ يعني تصرف زوجي معي
زوجي قهرني بتصرفه انا نفاس ولي فتره ماشفت زوجي لانهم نقلوه للجنوب (عاصفة الحزم) والله مقهوره مشتاقتله من زمان عنه وكل يوم علي اعصابي خايفه يموت بالحرب والحمدلله عطوه اجازه كم يوم وجا طبعا انا عند اهلي وهو عند اهله كلهم بنفس المنطقه مشكلتي اقوله تعال بنجلس معاك انا واولادي بنسولف معاك يقول عندي شغل بالبر (حلال ابوه)ويروحلها واحيان يجينا ساعه بس قبلها يقول عطيهم خبر ويكونون اخواني وابوي متواجدين ايقول استحي اجي واقعد بمجلسهم انا وياك بلحالنا يعني جلسه رسميه يجي ويروح وانا ماقلت ولاسالفه معاه0 نفسي افهم تصرفه ماكني كل يوم ابكي من الخوف يموت بالحرب والي قاهرني بيرجع بعد كم يوم والعالم الله شيصير علي اوضاعهم حاولت فيه نطلع معاه مشوار انا واولادنا عشان نسولف ونتشاور بمورنا وبوضعنا حتا وين نسكن يطلع بعذار يعني ابد مومشتاقلنا ولاهمته الجلسه معانا لاما عاتبته وقلتله الي بقلبي كنت ابكي والله ماهمته دموعي ولاحتا مسحها كمل سوالفه طبيعي كانه مايشوفني ويبيني ارد بعد عليها طيب قهري وحزني كيف يحس فيني
13
4K
يلزم عليك تسجيل الدخول أولًا لكتابة تعليق.
استهدي بالله وروحي له عند اهلة خلي اخوانك يودونك مافيها شئاستهدي بالله وروحي له عند اهلة خلي اخوانك يودونك مافيها شئ
تقول انا نفاس وشلون تروح وهي نفاس المفروض هو اللي يجي
الله يهديه ان شاءالله يمكن نفسياً لانه بعيد عنكم قسى قلبه لانه هناك على قولتك بعيد ويمكن لانه كم يوم مايبي يتعود عليكم ويفقدكم وتفقدونه من غير شر وان شاءالله تخلص عاصفه الحزم ويجي لكم من غير شر ان شاءالله ويملى حياتكم بس انتي بعد لانك نفاس فتتغير نفسيتك خلقه و لانه بعيد عنك ومسئوليه العيال عليك وغيابه من جهه فالله يعينك ويخليه لكم مالك الا الصبر والدعاء له آن الله يحفظه وانتي خليه يجي بالليل بعد مايتعشون اهلك يجي يزوركم يصير ابوك وإخوانك كل واحد بغرفته اطلعي انتي وإياه وتعشوا برى او يجيب عشاء معاه واجلسوا بالمجلس وربي يسخره لك ويهديه
Getara
•
الله يهدي لك زوجك بعدين زوجك من النوع اللي مايحب دموع المرأة فلا عاد تبكي قدامو ولا تبيني إهتمامك فيه إستودعية الله وإستودعي جوارحة الله الله خير الحافظين طنشية وإنشغلي في نفسك وفي النونو واطفالك اللحين انتي فترة نفاس يعني اعتني ببشرتك وشعرك وملابسك وستايلاك بصفة عامة وإتركية لاتدوري وراهـ لأن زوجي نفس العينة وربي كنت ابكي واترجاة يجلس معايا وكان يعصب وتحيان يتريق علي ومن جد بعدها قولت كرامتي اهم شي يعني ماصرت ادور وانقلبت الآية طبعآ لا تنسي الإستغفار طوال منتي جالسة والا فاضية أو حتى مشغولة وأدعي بين الآذان والإقامة وساعات الإجابة ربي يسخرلك زوجك ويلينو في يدك ويردو لك ردآ جميلآ وإنشغلي بنفسك إنشغلي بنفسك إنشغلي بنفسك عن زوجك توكلي على الله وفوضي أمرك لله وثقي في الله أنة القادر على كل شي واللي أهم من هذا وذاك أخلصي النية لله يعني أعبدي الله وتقربي منة لجل ترضية فإذا أرضيتي الله أرضاكي الله باللي تتمنية وشوفي ايش يصير معاكي وقولي لنا
الصفحة الأخيرة
بس الله يهديه