مارأيكم بالخطابات؟ دعوه للحوار ارجو المشاركه من الجميع

طبعا الخطبات هم الحل لمثل هذي الحالات

بس بعض البنات الله يصلحهم صغار ببداية 20 ويستعجلون على رزقهم

واغلب اللي يجون للخطابات طايح حظهم خصوصا الرجال

وانا ماحب البنت تدور على نصيبها نصيبها المكتوب لها راح يجيها ويطق بابها

وبعدين البنت المفروض اللي بهالظروف تلجأ لربها وتلزم الاستغفار وتدعو ربها ليل ونهار وتنتظر الفرج وبأذن الله ربي ماراح يخييب ظنها

هذا هو الحل بنظري مووو الخطابات ...

وصدقيني صدقيني الاستغفااااار امره عظيم وله تأثير في تعجيل استجابة الدعوه

صراحه الخطابه مهنتها جيده وهيي تستر على كثير من البنات والشباب وعندنا في الامارات ما صارو الخطابات كثير نفس اول ايام اول وحتى لو في ما يكونو معروفين ويكون همهم الاستغلال

اختي klio شكرا على ردك واحترم وجهة نظرك لكن انتي تقولين تنتظر نصيبها يطق الباب طيب اذا هي ماتطلع من البيت ولااحد يدري اصلا ان في هالبيت بنت بسن زواج والبنت على خلق ودين يمكن الخطابه تكون حل لها
اختي ام ظبيه القبيسي اشكرك على ردك وفي الخليج متوفره الخطابه بشكل كبير اكثر من البلدان العربيه وفعلا يمكن بعضهم همهم الاستغلال وبعضهم يبون الاجر ويابخت من وفق راسين بالحلال

بصراحه الخطابات الصادقات قليلات ......... يعني اغلبهم هالوقت يدورون القرش وما يخافون ربهم وعلشان كذا الواحد يخاف منهم .........

تخيلي وحده من صديقاتي توها ما تزوجت واقترحت عليها زميلتها في الشغل انها تكلم الخطابه الفلانيه وانها زوجت بناتهم ومن هالكلام .. المهم طبعا البنت بس تاخير نصيب والا الحمدللله تملك الكثير
كلمت اختها على الخطابه قامت الخطابه تتبيرد وتسال وتحسسهم انهم محتاجين لها وانها لانها ما تزوجت اقل من غيرها بالاسلوب التافه المهم قالت طيب اذا لقيت لكم ولد الحلال كم تعطوني ؟؟ قالت : انا اللي اعرفه الرجال اللي يعطي وهو يحط معلوماته عنه عندك ويعطيك ماشاء الله مبلغ محترم .. اكثر من 4 الالف المهم قالت الخطايه بس اختك تعدت 24 وبصراحه يبغى لها زود قروووووش !!!!!!!!!!!!!

قالت : هي من عايله طيب وبنت فيها من الموصفات الكثثثير وماهي محتاجه لك !!!!!!!!!!!!

يعني الاسلوب زفت بصراحه

والله يوفق بس يمكن يختلفون الخطابات

اختي تلفون خربان.. اشكر ردك بس تصدقين اللي تتكلمين عنها عكس اللي قلتها انا بالبدايه تماما وحتى ماجابت طاري فلوس ابد وتحسين انه عادي العمر عندها لو كانت صغيره ماتستغرب او تقول فيها عيب وكانها هي اللي محتاجه لهم تدق وتسال وتهتم ووجابت للبنت هذي ناس على مستوى مررره بنفس مستوى البنت ويمكن احسن
بس على قولتك يختلفون الخطابات