توافق
ملتزز وخلوق وماديته ممتازة وعيبه جسدي
افضل من رجل خائن او غيرها من الصفات المعنوية السيئة


سؤال
الدمامل طبيا مالها علاج ؟؟

اتوقع ان شاء الله ان لها علاج

والرجال انبه ضميره يمكن
او كان غافل عن هذي النقطة

خلها تستخير

لانه دايمااا المراة اللي ترضى بكل شيء

اما الرجل فلن يقبل بها لو كانت تعاني من هالشيء

لو أنا مكانها..
: بوافق عليه لان عمر الرجال مايعيبه شكله والله اخذ واحد فيه دمامل ووجهه

طبيعي ويسوى ويستاهل ولا واحد نذل او عصبي او بخيل صح ولالا؟

وبعين يمكن هالدمامل تصير خيرة لها يمكن يحس انها افضل منه ويحس بالنقص

عشان هالدمامل ويحطها فوق راسه انصحيها تتوكل على الله اصلا هذا ماهو عيب ابد

وين تحصلين بهالوقت واحد بمثل هالاخلاق ماشاء الله تبارك الله!!

يمكن تحصل واحد كامل من برى بس قلبة قاسي

يعني لو ما علمها ؟؟؟ هل ستكون بالنسبه لها بعد الزواج مشكله لهذا السبب ..
أو كرم اخلاقه وأدبه وفي المقدمه دينه هو ما سيسعدها معه بإذن الله ...

قد ترفضه لهذا السبب .. فيكون خير له ويعوضه الله بخير منها .. ويرزقها بجميل الوجه والخافي قد لا يسر ...



صدقيني ان كل فتاة بحاجه إلى رجل ولو بأقل من هذه المواصفات ..

لمجرد وصوله في الصدق لهذه الدرجه وهو يعلم انه قد يتحطم حلمه بالزواج منك انا اراه كفء
اكبرت مقامه وقدره ..
ماشاء الله ..

السلام عليكم و رحمة الله و بركاته ..

يا أختي الدمامل ماهي عيب ولا هي نتيجة شي حرام
والعياذ بالله !!
وقال لهم ماهي معدية !!
يمكن يكون محسود أو فيه شي سبب له هادي الدمامل !!

ولو هي مترددة خليها ترجع تستخير الله كذا مرة ..
و تشوف نتيجة إستخارتها ..

و هو ولد ناس و يخاف الله ( الله أعلم ) ..
عشان كدة صارحها و صارح أهلها ..
مع إنه شي صعب بالنسبة عليه و أنحط
في موقف محرج بسببه !!
بس أستحمل الإحراج و الفشيلة عشان
ما يكدب عليها .. و يمكن كان عايش في
صراع نفسي طول السنة كلها إللي كان خاطبها فيها ..
و مستحي كيف يقول ؟؟ و أيش يقول ؟؟
ألين أستجمع قوته و شجاعته عشان يقول لأبوها ..
و يمكن لو صارحها هي كان أهون عليه من مصارحته
لأبوها .. و إنه راح ورى نفسه و أتكشف لأبوها ..
والله يا جماعة إحراج !!
وتلاقيه خرج من عندهم يلملم نفسه و ثيابه !!

و مواصفاته التانية ما تتعوض !!
وما تتلاقى كتير هادي الأيام !!

و الدمامل تروح بالتقشير أو الليزر أو العلاجات ..
بإذن الله ..
و إذا كانت عين أو سحر .. تروح بالرقية ..
إن شاء الله ..

و أنا أحكيكي ..
أنا و زوجي طلعت لنا دمامل ( خراريج ) يعلم الله قد أيش
كبرها .. و ما تنفك غير بعملية جراحية :( ..
عــــــــــــــذاب :06: الله لا يوريكم هو ..
الحمدلله ..
حتى الدكاترة كانو يقولو لنا أيش دااااا ؟؟
سارت أجسامنا زي المنخل ..
في كل جهة دملة !!
و فتحة عملية !!
غير الألم والعذاب الجسدي و النفسي :06: ..
وكان سببها عين .. حسبي الله و نعم الوكيل ..
عسى عيونهم الفقع إللي ما يخافو الله ..
حسبي الله و نعم الوكيل ..

لكن أيش نسوي ؟؟
أسيبه عشان طلعت له دمامل ؟؟
يسيبني عشان طلعت لي دمامل ؟؟
( مع إنه أهله لمحو له إنه أنا السبب
فيها و إني نحس .. لكن الحمدلله هي طلعت
له أول و بعدين سارت تطلع لي .. وبعدين
سارت تطلع لنا إحنا الإتنين .. لدرجة ما نقدر
نمشي ولا ننام ولا نجلس و لا نسوي شي :( ) !!

والحمدلله من يوم خطبني ما كان فيا شي !!
و هو خطبني ومافيه شي !!
ومن يوم ما أتملكنا ..
صابنا إللي صابنا .. الله ينتقم من إللي كان السبب ..
ويفقع عيونهم يااااااارب ..
طيب أيش نسوي ؟؟
نعترض على حكم الله ؟؟
الحمدلله الحمدلله الحمدلله ألف مليون مرة !!

خليها ترجع و تستخير ولا تضيعه منها إذا كان
إبن حلال و شاريها ..
و إللي فهمته إنه شكله بالنسبة لها مقبول ؟؟
يعني هي كانت موافقة عليه شكليا قبل ما
تعرف عن المستخبي ؟؟
يعني الراجل وسيم أو مقبول شكليا ؟؟
يعني ما هو مشوه ولا فيه عاهة ؟؟
قوليلها لا تتبطر .. يمكن ربي يجعله
لها نعم الزوج و يحبها و يكرمها و يعزها
و يحطها فوق راسه ..

و أرجع و أقول خليها ترجع تستخير تاني وتالت
و رابع و عاشر و مية كمان !!

وإذا أستمرت معاه ..
لا تحسسه بيها أبدا .. ولا تحسسه بالشفقة ..
ولا تستقرف منه .. ولا تسوي شي يأذي مشاعره
عشان لا يحقد عليها بعدين و يحس إنها متقززة منه ..
و شفقانة على حاله !!
مهما كان الراجل راجل وما يرضى على نفسه كدة !!

والله يهديها للخير والصلاح و يوفقها ..

و أتمنى ما تزعلي من كلامي ..
و تتقبليه بصدر رحب :) ..


تحياتي ..
جــــــــداويــــــــــــة