مارأيكم في أناس ينتمون إلى بني البشر لكن في صدورهم ليست قلوب بل صخور

السلام عليكم ورحمة الله وبركاتة
أخواتي أبغى أفضفضلكم موعانات أولادي وحبايب قلبي بعد قصة طلاقي مع أبوهم اللي حرام فيه كلمة أبوه وأبغى أرائكم حبايبي في الله
من يوم ماطلقني زوجي وغدر فيني وراح على طول أتزوج كانوا أولادي عندي ومن يومتها ماعاد سأل فيهم ولا كأنه عنده ولد وبنت من لحمه ودمه أتخلى عن مسؤوليتة تماما حتى ملابسهم وحجاتهم اللي كانت في البيت ماجبلهم هيه وبنتي حبيبة قلبي كان عندها تطعيم والله ولافكر وبابا يتصل عليهم عشان يجيبوا كرت التطعيم لأني رحت المستشفى أبغى أطعمها كم مره وقالوا لي لازم ضروري كرت التطعيم مانقدر نطعمها من غيره والله طنشوا الموضوع ولاكأنه شي وأنا قلبي زي النار على بنتي خايفة عليها من هذه الأمراض المنتشرة الله يحفظنا وكلت أمري لله وصرت كل يوم أحصنها بأيات الله ومرت الأيام والشهور ويوم من الأيام جا عندنا جد أولادي وقال نبغى ناخذ الأولاد قام بابا قالي خليه ياخذهم عشان كمان لاينحرموا من حنان أبوهم وعشان انتي كمان تقدري تكملي دراستك وهو أبوهم اللي مايخاف الله ماابغاهم ولاابغى شكلهم واحنا ماندري هذا كله من ترتيب جد أولادي وأخذوهم والله كأنهم أخذوا روحي بعد ماتفقوا مع بابا ووقعوا على وثيقةو شروط وشهود وصارت هرجت رجال كبيره بعد أسبوعين جابوهم زي في الأتفاق أنا فرحت من كل قلبي ونزلت السوق اشتريتلهم ملابس والعاب عشان يفرحوا وجا اليوم اللي ياخذهم فيه لأنه في الشروط مكتوب فتره عند امهم وفتره عند ابوهم بعد اسبوع أتصل جد أولادي على بابا يقولوا والله ابوهم مايبغاهم ونبغى نلغي الوثيقة ماكأنها صارت خلاص بابا مره عصب :angry2:وارتفع معاه السكر والضغط وقال له من يوم ماطلق بنتي وهو لابيحطلهم مصروفهم ولابيجبلهم حجاتهم وانا ساكت وصابر ودحين بكل سهوله يقول مايبغاهم يعني ماأبغى يصرف عليهم ولايبغى ياخذهم حسبي الله ونعم الوكيل فيه أنا جايبهم عندكم وانته اتصرفوا معاه واخذهم بابا ووصلهم بيت اهله وقالهم تمشوا على الشروط اللي وقعتوا عليها ولا بيننا المحاكم كفايه اللي جا منكم وانا دحين مررره خايفه عليهم وقلبي محرووووووووق عليهم بس اش اسوي:(
والله عيوني كلها دموع بس اش اقول غير الله يصبر قلبي ويحفظ أولادي فين مكانه