مارأيك في هذه المرأه؟؟؟؟؟

فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ما خلصت اتصلت في زوجها وقالت له: إني خلصت.
قال لها زوجها: دقائق وأكون عندك - شوي واثاري زوجها قدامها
الرجال يوم شافها اعجبته لان المسكين ما يحصل له يشوفها مرتبه الا في المناسبات
المهم طلبها زوجها تترك الزواج وتجلس معه وقال لها: أبغى أخليها أحلى ليله وراح اعوضك عن الزواج

قال لها: اجلسي معي ننبسط ونسهر ونجيب عشاء من المطعم

الزوجة وافقت
قال لها زوجها: أبغى أروح أجيب العشاء

راح الرجال مستعجل وجاب العشاء ودخل بيته وش شاااااااااااااف قدامه !!!







































الحرمه فاصخه فستانها ولابسة قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته

الرجال عصّب وسألها ليش غيرتي ملابسك وليش سويتي في نفسك كذا؟؟!!
قالت الفستان ضايقني وانحشرت منه وغسلت المكياج، ماله داعي وزيت شعري عقب الرغوه والاستشوار تصدق توي احس بالراحة يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال: والله ما تذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت

حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها إلى آخر الليل وكل الي في العرس شافوها هي جالسة في عبايتها ما فصختها


تخيلوا الموقف!!!!
بصراحه في نساء كثير يعملنها وكأن ليس للزوج حق ثم بعد ذلك تقول تغير زوجي وابتعد عني
ربما لقلت تعبير الرجل عما يعجبه فتستهين المرأه بالموضوع وربما تعتقد ان زوجها لايهمه
فتتكاسل ولكن الرجل مهما لزم الصمت يحب ان يرى زوجته انيقه ومرتبه فما بالك وهو في بلد المغريات..

اختي وحبيبتي اطلب منك وقفة تأمل ومراجعه للنفس لعلك تلحقين ما فات
ولا تنسي التوجيه النبوي الشريف(اذا نظر اليها سرته)

اسعدكن الله مع ازواجكم وجعلكم درر بين اعينهم وكفى الله ازواجنا شر الحرام..