مها
كلامك صح الله يكون بالعون

omhamooda
تمام عليك وصدقيني الواحد كل يوم يتعلم شغله جديده

فتاه سوريه
طبيعي البيت ينحاس بسرعه بس لو نتابع نلحقه برضه بسرعه
علمي الأولاد يساعدوك ويرتبوا أغراضهم وخصصي لهم مكان للعب
يعني ما يخرجوا بالعابهم برا ابدا
سمي المكان مملكة اللعب وقولي لهم دايما ان اللعب داخل المملكه خلي اللي تمام ويسمع الكلام
الملك والثاني أمير أو وزير حتى يتنافسوا وبدلي الألقاب من فتره لفتره
وسمي نفسك مثلا (الاسد) اللي راح يرمي الالعاب لو خرجت برا المملكة وبالفعل اي شي يطلع ارميه
خصصي كيس زباله للالعاب وارميه قدامهم بعدين شيليه فتره ومتى ماكانو تمام رجعيلهم هو
اما داخل البيت خصصي الاكل بالمطبخ
اذا بياكلوا سناك عند التلفزيون افرشي لهم شي وخليهم يلموا بعدهم

ممكن يساعدوك في بعض الاعمال البسيطه

واللي عنده أفكار ياريت يخبرنا

الموضوع كله مترابط
الاناقه والتجمل للزوج وترتيب البيت ونظافة الأطفال
لاأعتقد انه ممكن نركز على وحده ونهمل الباقي

ولا نستطيع التجمل والجلوس في بيت غير مرتب

من حكايات الوالده أعطاها الله الصحه والعافيه
أنه فيه وحده تتزين لزوجها وتهمل بيتها وكل مايرجع
يقولها فلانه وجهك وسخك
فتتجمل ثاني يوم أكثر
ويعيد الكلمه ولما صارت تتكرر كثير سألت وحده
انه انا كل يوم ازبط حالي واغسل وجهي وزوجي يقولي وجهك وسخ
ضحكت وسألتها انت ترتبي بيتك ترا بيت الوحده هو وجهها!!!!!!!!!!!

قامت رتبت البيت ورتبت نفسها يوم دخل زوجها انبسط وفلانه الحين وجهك نظف

والشغله بس كسل لكن لازم نتعوذ من الهم والغم والكسل وغلبة الدين وقهر الرجال
كما أخبرنا سيدنا محمد عليه افضل الصلاه والسلام

أخت دريمنق اكيد الموضوع مترابط بس انا قصدي الموضوع الي نحن نناقشه كان على التزين للزوج وبعدين دخلنا في البيت ونظافته

مو مشكلة

افكارك حلوة بس اولادي ما بيعرفوا شو يعني ملك او وزير بس رح احاول اشرح لهم

اما بالنسبة لكيس الزبالة معلش اعذريني ما انصح فيها لان جربتها وصاروا الاولاد كل ما تخاصموا من بعض يقول الواحد للتاني بكب لك اغراضك بالزبالة واحيانا بيلعبوا بصحون المطبخ ولما يخلصوا بقول لهم لموها بس اذا في شي واحد ما شال الصحون الي كان عم يلعب فيها بيجي اخوه وبكبها له بالزبالة وهيك صار كل شي بالزبالة على كيفهم
وياما مطلعة اغراض من الزبالة ولما بسال مين حط هاي بالزبيالة واحد بقول لي انا لان فلان لعهب فيها وما شالها
وحتى يعني بعيد عنكم مرة الكبير تضايق من الصغير عمره اشهر قال برميه بالزبالة

بس حلوة الفكرة اذا قلت لهم بخبيها وماعاد تشوفوها ابدا او برجعها على المحل هذي مشيت معهم

وبالنسبة للاكل عم حاول اعملهم ان ما ياكلوا غير على الطاولة واذا شفت واحد عم يتمشى وهو عم ياكل باخذ الي معه على طول وبحرمه منه طول اليوم يعني غالبا بكون شبس او بسكويت

ومع كل هذا البيت راسا بيمشي يعني بيتكركب ومن وين بتجي هالكراكيب ما بعرف

على كل حال اختي يعطيك الف عافيه وانا معك ان الافضل نلحقه بسرعة بس والله التعب شديد والله احيانا بكون الشغل لفوق راسي وما بلحق اشيله بسرعة وما بكون ابدا كسل بس يعني على حسب الظروف يعني لو البيت كبير وكل واحد عم ياذي بطرف كل ما بخلص طرف التاني بيكون انخرب وبوصل لدرجة بضربهم وبجلس ابكي واحيانا بحبسهم بغرفتهم لحتى اقدر اخلص حتى خزانة تيابهم حطيت لها قفل على اساس مشان ارتاح بس ما انصح فيها هالفكرة كمان ابدا لان اذا مرة وحدة ضلت مفتوحة ثيابهم كلها بتلاقيها على الارض وبكل مكان

المهم من تجاربي بقول لكم خصوصا الي اولادها لسا صغار ابدا ابدا لا تحطي اقفال او تبعدي الامور الي ياذي فيها الطفل" طبعا الا اذا كان ممكن تاذيه" وانما علميه ان يشوفها وما ياذي فيها لان هيك رح ترتاحي وعلميه من الصغر يساعدك ويشيل هو الي عمله

هلا وانا عم اكتب ابني دخل على المطبخ وكب صحن الشوربة فوق راس اخوه الي عمره اشهر ويلا رايحة للشغل والتنظيف
ادعولي والله يكون بعوننا
ب

والله كأنك عم تحكي عني يا فتاة سورية


صدقيني بشتهي شي مرة تضل غرفة القعدة مضبوبة ومرتبة

إلا كله بروح على الأرض , ومهما عملت ومهما خانقت ومهما حكيت معهم حكي حلو ما حدا لحدا

الله يحميهم ويعينا عليهم

أختي دريمنق

موضوعك شيق جدا ...

وأعتقد ان المرأة اللي بتحرص على مظهر أنيق قدر الإمكان يعني مو كأنها رايحة لعرس يعني ملابس مرتبة ولو اثناء شغل البيت وتسريحتها مرتبة وريحتها نظيفة وممكن ميل حمرا على الخفيف بضل أحسن من لاشيء ......

وكان الله بعون الجميع

ولكننا كلنا مقصرون .. الله يعف عنا ..

تحياتي

فتاه سوريه
كان الله بعونك ضحكتني حكاية انه كان بيرمي أخوه بالزباله مع انه مشكله
منكم نستفيد والاطفال يختلفوا

شام
انا معاك اهم شي شعر مرتب وريحه حلوه مو لازم كأنها رايحه عرس
بس لانه في ناس بتجلس بتياب النوم والبجاما باستمرار