ماراح ترتاح لين تهدم بيتي حسبي الله ونعم الوكيل

السلام عليكم ورحمة الله وبركاته
كيفكم حبيباتي
حبيت اشكي لكم معاناتي وابي منكم الحل والمشورة
لاني تعبت ووصلت حدي
انا تزوجت من عمري 17 سنة
كنت عايشة في بيئة نظيفة ما فيها غيبة ولا حقد ولا نفاق اهم شي الادب والدراسة
بس شاء الله وانفصلوا امي وابوي
تزوجت ولد عمي وسكنت معهم في غرفة لان ظروفه ما تسمح واو بالاحرى امه الله يهديها ما ترضى يفارقها
سكنت معاهم عشرسنوات وانا اطبخ وانظف البيت من الى
وادرس بناتهم واستشورهم لدرجة احل معاهم واجباتهم والله صرت امهم ومرت السنين وتزوجوا
وكل هذا برضاي وحسن نية لان قلبي ابيض وصااااافي ولا احب ازعل احد وصرت اعتبرهم اهلي لاني انحرمت من امي سنيييييييييين :(
وكنت اتوقع يعتبروني بنتهم لكن ما توقعت اللي صار
اختهم الصغيرة صارت تتسلط على بنتي وتضربها لدرجة وصلت فيها ترميها مع الدرج وتنزف البنت دم
انا انجنيت وقمت اهاوش فيها
تخيلو
سكرت باب البيت في وجهي وقالت لي بكل وقاحة البيت بيت ابوي اطلعي براااا وجلست في الحوش ساعة كاملة اضرب الباب ما احد فتح لي
لين جا زوجي من الدوام
انا زعلت يعني لهالدرجة وصلت قلة الادب
وقلت تفاهم مع اختك لان لسانها وسخ و انا ماراح اتحمل ابد وهي في صف سادس
المصيبة لما عرفوا الاخوات المتزوجات اجتمعو في نفس اليوم
وصارت مشكلة كبييييييرة ما تتخيلوها
ويتهموني اني اتبلا على بنتهم وان بنتهم ما طردتني
حسبي الله عليهم
واتصلت اخت زوجي على ابوي وقالت تعال ربي بنتك لان بنتك ماعرفت تربيها جالسة تفرق بيننا وتطول لسانها وتغلط على امي وووو
ابوي اتصل علي وجلس يهاوش فيني وانا ابكي ما قدرت اتكلم
اعطيت السماعة زوجي وكلمه وقاله السالفة كذب واخواتي هم اللي غلطوا مو بنتك
انا حلفت بعدها ما ارجع الا في بيت خاااااااص
لان هالمشكلة غيض من فيض وانا ما عاد اتحمل الاهانة
ورحت لاهلي
ورجع زوجي لاهله قامت اخته تغلط عليه وتقوله انت مو رجال والا حرمة تمشيك على هواها قام و عطاها كف
طيب هو ضربك لانك غلطتي عليه انا ايش ذنبي
زوجي ما قصر راضاني واستاجر لي بيت والحمدلله وعلاقتي مع امه ممتازة لانها تعرفني من صغري
بس اخته حسبي الله ونعم الوكيل
صارت تتكلم فيني عند القاصي والداني
وتشوه سمعتي وتتكلم في عيالي انهم شياطين ويخربون ويضربون
ما صار احد يعزمني ولا يكلمني الا بنتين عارفيني زييييين
وصارت كل ما جيت اهل زوجي تجي هي تتكلم في وجهي عادي وتبوسني وانتي العسل وانتي
وما تخلي احد ما تتكلم فيه قدامي بس انا ما اجاريها بالغيبة ابد
بس هي تبيني اتكلم في الناس عشان تقول قالت فيكم اعووووووذ بالله
لما طفشت مني
صارت تتبلى على زوجي
وتقول ماشاء الله عليك صبورة ومتحملة مازين لك مطبخك كامل زوجي راحمك ويقول له انا بزينه لها حرام كذا كيف تعزم اهلها وصديقاتها واخوي لو تشوفينه ميت ضحك يقول عادي تصبر مو لازم ولو تشوفوها تقولوا ملاك تضمني وتبوسني
ولما سالت زوجي يحلف برب الكون انه ما صار هالكلام وانها كذابة
:(
ليه كذا يابنت عمي ليه
في الاخير صارت تتمادى عشان تقهرني وتتلزق في زوجي وكل شوي تبوسه وتضمه وتلمس خده وتقول انت وسيم البنات يخقون عليك لو حطيت صورتك وربي انها مريضة كيف تسوي كذا في اخوها
واذا دخلت عليهم القاها تمدح صديقاتها عنده وتغير الموضوع اذا شافتني
وكل هذا تمثييييل
المشكلة انها الكل في الكل في العايلة لسانها ينقط عسسسسسل والكل يمووووت فيها وهي قوية ويسمعون كلامها لان اسلوبها حلو
لكن قلبها اعوذ بالله ما يحب احد حتى زوجي اللي هو اخوها الكبير اذا زعلت معه تدعي عليه جعلك تفقد عيالك كلهم وجعلني اشوفك تبكي ليل نهار من ولدك الكبير وووو
ما كانها اخت ابد
لا تقولو تفاهمي معها هذي معدوم معها التفاهم ما احد يقواها الا رب العالمين
وغير كذا تقلب ام زوجي علي فصرت اروح لها اذا ما كانت فيه لان ام زوجي تتاثر بكلامها
بس بيتها قريب من ادخل الا على طول جايها خبر ومشرفة وتبدي تفتعل مشاكل
غيرت اثاث بيتها وعزمتني نفس اثاث بيتي لقيتها مسوية مثله نفس الصالة نفس غرفة النوم نفس المقلط نفس التلفزيون والمسرح وقالها اخوها 90 بالمئة نفس اثاثي كلتنا بلسانها لييييه ما عندي ذوق اقلدكم ووو

صرت ارقي رقية شرعية و كل يوم اشوفها في حلمي مرة بشكل افعى مرة جالسة ببيتي وتكسر بيالاتي وفناجيلي ومرة تحرق العشا مرة تقول لزوجي طلقها وجا طلقني وراحت زوجته على طول
صدقوني ماراح ترتاح لين تخرب بيتي
وانا كل يوم ابي ادعي ربي يفكني من شرها واذاها
مالي الا الدعاء
لكني ابي مشورتكم وش الحل مع هالانسانة
ربي يرزقكم ولا يخيب رجاكم امين ياربي ياحبيبي