ماراح تصدقون.... طفلي عمره 11 شهر ويقول الحمد لله

مثل ماقلت والله انه عمره 11 شهر ويقول الحمد لله اذا عطس(لا اله الا الله عليه)
لاتستغربين عزيزتي الام......
الطفل على ما عودتيه...
ونا والله من يوم ما انولد كل ما يعطس اقوله الحمد قول الحمد لله يوميا
امي تضحك علي تقول توه صغير مايعرف وابتسم لها وانا متاكده ان الشي يجي بالتعويد
لحد الحين وهو كل مايعطس اقوله الحمد لله واضحك في وجهه يفرح ويعيدها
لين صار لما يعطس يقولها لانه خلاص ربطها ببعض
وعندي بنت ربيتها من هي صغيره نفس الشي من عمرها سنه تعطس او تاكل او تشرب تقول الحمد لله رغم صغر سنها
كذا اسلوبي مع عيالي اعودهم الصلاه بدري واذا جيت اصلي احطهم جنبي
سبحان الله يجلسوا يتفرجوا لي كانهم يحفظوا الحركات وبعد ما اخلص يقلدوني
والصغير الاحظ فيه اذا جاء قرآن في التلفزيون او آذان او سمع صوت الصلاه يجي يحبي بسرعه ويتمسك بالمكتبه ويوقف يتفرج الين تخلص ويروح(سبحان الله)وعوتهم انهم اذا شافوا شي حلوا يقولوا (الله)
لدرجة انه اذا لبسته جديد يفرح ويقول لنفسه (الله) ماشاء الله عليه هو واخته
اخواتــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــي
فلنربي اطفالنا على نطق الكلمات المفيده بدل ما نعلمهم كلمات مالها داعي زي(تاته,داد..........وغيرها
وارجع واحلف ان التربيه تعويد من الصغر
(ادعوا لعيالي ربي يهديهم لي ويصلح لهم دينهم ودنياهم)