ماراح يطلقني الا بعد ما ارجع له المهر والهدايا وانا الي متضرره !

السلام عليكم ورحمة الله وبركاته


بنات تذكرون مواضيعي والغالبية قالو زوجك مريض نفسي

فعلاً طلع مريض والحين صار ياكل حبوب نفسيه هو اعترف بهالشئ عند اهلي وارسل لي رسالة يدعي علي فيها يقول صرت اكل علاجات نفسيه

وانا مصره على الطلاق لكن يقول ابي المهر وكل شئ اعطيتك ياه واهديتك ياه

وانا والله لو يموت ماراح اعطيه ريال واحد دامهم كذبوا علي وقالوا لي طبيعي وطلع مريض نفسي لا بنات كل يوم يطلع علي سالفة ماي صدق يعني خلاص انجن رسمي

المهم يابنات انا فكرت اني ارفع قضية خلع علشان الناس كله تدري اني انا الي ماابيه حتى لو طلع علي كلام وكذب محد يصدقه بس ماعندي اثباتات الا رسايله + صور ليديني ورجليني يوم ضربني واضحه فيها الكدمات الزرقاء والخضراء + ورقة اشتراكه بمكافحة التدخين ( لانه كذب علينا قبل الزواج قال ماادخن وابوي واخواني يشهدون بهالكلام )
وفيه رسالة له يقول اني صرت اكل علاجات نفسية ورسايل تهديد وشتم وسب وفيه رسالة بعد يقول تستاهلين الضرب وماني نادم اني ضربتك يعني كلها اثباتات عليه

هل تكفي انهم يخلعوني منه بدون ماارجع له المهر ؟